நாடுகாண் பயணம் - சாட்

நாட்டின் பெயர்:

சாட் (Chad) 

வேறு பெயர்கள்:

சாட் குடியரசு 

அமைவிடம்:

மத்திய ஆபிரிக்கா 

எல்லைகள்:

வடக்கு - லிபியா 

தெற்கு - மத்திய ஆபிரிக்கக் குடியரசு 

கிழக்கு - சூடான் 

மேற்கு - நைகர்

தென்கிழக்கு - நைஜீரியா மற்றும் கமரூன் 

தலைநகரம்:

ஜெமெனா (N'Djamena) 

அலுவலக மொழிகள்:

பிரெஞ்சு, அராபிய மொழி

பிராந்திய மொழிகள்:
நாட்டின் தெற்குப் பகுதியில் சரா(Sara) என்னும் மொழியும், ஏனைய பகுதிகளில் 120 இற்கு மேற்பட்ட வெவ்வேறு பிராந்திய மொழிகளும் பேசப் படுகின்றன.

சமயங்கள்:
இஸ்லாம் 53 %
கிறீஸ்தவம் 34 %
குலதெய்வ வழிபாடு (ஆவிகள் மீது நம்பிக்கை) 10 %
நாத்திகர் 3 %

கல்வியறிவு:
மொத்தச் சனத்தொகையில்: 25 %
ஆண்களின் கல்வியறிவு வீதம் 40 %
பெண்களின் கல்வியறிவு வீதம் 12 %


ஆயுட்காலம்:
ஆண்கள் 47.2 வருடங்கள்
பெண்கள் 49.4 வருடங்கள்

அரசாங்க முறை:

ஜனாதிபதி ஆட்சி (குடியரசு)

ஜனாதிபதி:

இதிரிஸ் டெபி (Idriss Deby)

பிரதமர்:

இம்மானுவல் நடிங்கர் (Emmanuel Nadingar)

பிரான்ஸ் நாட்டிடமிருந்து விடுதலை:

11.08.1960

பரப்பளவு: 

1,284,000 சதுர கிலோமீட்டர்கள் 

சனத்தொகை:

10,329,208 (2009 மதிப்பீடு)

நாணயம்:

மத்திய ஆபிரிக்க பிராங் (CFA / XAF )

இணையத் தளக் குறியீடு:

.td

சர்வதேசத் தொலைபேசிக் குறியீடு:

00-235 


இயற்கை வளங்கள்:
பெட்ரோலியம், யூரேனியம், நட்ரோன், கவோலின், மீன், தங்கம், உப்பு, முருகைக் கல், சல்லிக் கல், மணல்.


விவசாய உற்பத்திகள்:
பருத்தி, இறுங்கு, வாற்கோதுமை, வேர்க்கடலை, அரிசி, உருளைக்கிழங்கு, மரவள்ளிக்கிழங்கு, ஆடு, மாடு, ஒட்டகம்.


தொழிற்சாலை உற்பத்திகள்:
எரிபொருள், துணிவகை, கால்நடைகளின் இறைச்சி, மதுபானம், பேக்கிங் பவுடர்(அப்பச் சோடா), சவர்க்காரம்(சோப்), சிகரெட், கட்டிடப் பொருட்கள்.


ஏற்றுமதிகள்:
எரிபொருள், இறைச்சி, பருத்தி, மரப்பசை.


நாட்டைப் பற்றிய சிறு குறிப்புகள்>

• நாட்டுச் சனத்தொகையில் 80 % பேர் வறுமைக் கோட்டிற்குக் கீழே(மூன்று வேளை உணவு இல்லாமல்) வாழ்கின்றனர்.
• நாட்டுச் சனத்தொகையில் 75 % கல்வியறிவு இல்லாதவர்கள்.(தனது பெயரை எழுத, சுவரில் எழுதப்பட்டுள்ளதை வாசிக்கத் தெரியாதவர்கள்), மொத்தப் பெண்கள் தொகையில் 12 % பேர் மட்டுமே கல்வியறிவு உள்ளவர்கள்.
• இந்நாட்டிலும் பலதாரமுறை(Polygamy) காணப்படுகிறது. ஒரு ஆடவன் பல பெண்களை மணப்பதற்கு சட்டத்தில் இடமுள்ளது. நாட்டின் மொத்தப் பெண்கள் சனத்தொகையில் 39 % பேர் ஒரு கணவனுக்கு மூன்றாம், நான்காம் தாரமாக வாழ்க்கைப்பட்டு அக்கணவனின் முன்னைய மனைவிமார்களுடன் அமைதியாகக் குடித்தனம் நடத்துகின்றனர்.(தகவலுக்கு நன்றி:en.wikipedia.org)
• இரண்டாம், மூன்றாம், நான்காம் தாரமாக வாழ்க்கைப்படுவதற்கு 'மறுப்புத் தெரிவிப்பதற்கும்' சட்டத்தில் பெண்களுக்கு உரிமையுண்டு.
• உலகின் மிக ஏழ்மையான நாடுகளின் வரிசையில் 15 ஆவது இடத்தில் உள்ளது.
• ஆபிரிக்கக் கண்டத்தில் மிக மோசமான பொருளாதாரத்தைக் கொண்ட 33 நாடுகளின் பட்டியலில் ஆறாம் இடத்தில் உள்ளது.
• உலக வியாபாரத்தில் மிகவும் மோசமான நிலையில் உள்ள நாடு.(183 ஆவது இடம்) முதலாம் இடத்தில் சிங்கப்பூர் உள்ளது குறிப்பிடத் தக்கது.
• உலகில் ஆயுட்காலம் குறைந்த நாடுகளில் ஒன்று.
• தற்போதைய நிலவரப்படி இந்நாட்டில் சுமாராக இரண்டு லட்சம் எயிட்ஸ் நோயாளிகள் உள்ளனர்.