நாடுகாண் பயணம் - மத்திய ஆபிரிக்கக் குடியரசு

நாட்டின் பெயர்:

மத்திய ஆபிரிக்கக் குடியரசு (Central African Republic)

பொதுவாகவே இந்நாட்டின் பெயரைப் பற்றிக் கல்வியறிவு உள்ளவர்களுக்கும் குழப்பம் நிலவுகிறது. தனியே 'மத்திய ஆபிரிக்கா' எனும் சொல் புருண்டி, மத்திய ஆபிரிக்கக் குடியரசு, சாட், கொங்கோ ஜனநாயகக் குடியரசு , ருவாண்டா ஆகிய நாடுகளைக் குறிக்கும். ஆதலால் இந்நாட்டின் பெயரை எழுதும்போது 'மத்திய ஆபிரிக்கக் குடியரசு' என்று எழுதப்படல் வேண்டும்.

நாட்டின் சர்வதேசச் சுருக்கக் குறியீடு:

CAR 

அமைவிடம்:

மத்திய ஆபிரிக்கா 

எல்லைகள்:

வடக்கு - சாட் 

தெற்கு - கொங்கோ ஜனநாயகக் குடியரசு மற்றும் கொங்கோ குடியரசு 

கிழக்கு - சூடான் 

மேற்கு - கமரூன்

தலைநகரம்:

பங்குய் (Bangui)

அலுவலக மொழிகள்:

பிரெஞ்சு, சாங்கோ 

சமயங்கள்:

கிறீஸ்தவம் 80 %

இஸ்லாம் 15 %

ஆதிச் சமயங்கள் 5 %

கல்வியறிவு:

48.6 %

ஆயுட்காலம்:

ஆண்கள் 48.8 வருடங்கள் 

பெண்கள் 51.3 வருடங்கள் 

அரசாங்க முறை:

குடியரசு 

ஜனாதிபதி:

பிராங்கொயிஸ் போஸிஸே(Francois Bozize) *இது 05.07.2011 அன்று உள்ள நிலவரமாகும்.

பிரதமர்:

பவுஸ்டின் அசாங்கே டுவாடேரா (Faustin Archange Touadera) *இது 05.07.2011 அன்று உள்ள நிலவரமாகும்.

பிரான்ஸ் நாட்டிடமிருந்து விடுதலை:

13.08.1960 

பரப்பளவு:

622,984 சதுர கிலோமீட்டர்.

சனத்தொகை:

4,422,000 (2009 மதிப்பீடு)

நாணயம்:

மத்திய ஆபிரிக்க பிராங்(CFA / XAF)

இணையத் தளக் குறியீடு:

.cf

சர்வதேசத் தொலைபேசிக் குறியீடு:

00-236

விவசாய உற்பத்திப் பொருட்கள்:

மரம், ஆயுர்வேத மருத்துவப் பொருட்கள்(மூலிகைகள்), காட்டு மிருகங்களின் இறைச்சி, புகையிலை, கிழங்குகள் விசேடமாக மரவள்ளிக் கிழங்கு, வேர்க்கடலை, சோளம், இறுங்கு(கம்பு), வாற்கோதுமை, எள்ளு, சாம்பல் வாழை(கறி வாழை), பருத்தி, காபி(கோப்பி).

ஏற்றுமதிப் பொருட்கள்:

வைரக்கல், தங்கம், யானைத் தந்தம், காட்டு மிருகங்களின் இறைச்சி, மதுபானம், காலணிகள்(சப்பாத்து, செருப்பு), மோட்டார் சைக்கிள்கள் மற்றும் சைக்கிள்கள்.

நாட்டைப் பற்றிய சிறு குறிப்புகள்:

• நாட்டுச் சனத் தொகையில் அரைவாசிப் பேர் கல்வியறிவு இல்லாதோர்.
• நாட்டில் ஒரேயொரு பல்கலைக் கழகம் மட்டுமே உள்ளது(The University of Bangui)
• ஐ.நாவின் அறிக்கைகளின்படி இந்நாட்டிலுள்ள மக்களில் 15 வயதிற்கும் 49 வயதிற்குமிடைப்பட்ட வயதுள்ளவர்களில் 11 % பேர் எயிட்ஸ் நோயாளிகள் ஆவர். இவர்களில் 3% பேருக்கு மட்டுமே எயிட்ஸ் நோய்க்கான சிகிச்சை கிடைக்கிறது. தற்போதைய நிலவரப்படி அந்நாட்டில் 130,000 எயிட்ஸ் நோயாளிகள் உள்ளனர்(தகவலுக்கு நன்றி:en.wikipedia.org)
• நாட்டின் சுகாதாரம், மருத்துவம் போன்றவை மிகவும் மோசமான நிலையில் உள்ளது. ஒரு லட்சம் நோயாளிகளுக்கு 8 மருத்துவர்கள் என்ற நிலை காணப்படுகிறது.
• இந்நாடு பிரான்ஸ் நாட்டின் குடியேற்ற நாடாக இருந்த காரணத்தால் தற்போதும் பிரெஞ்சுச் சட்டங்களே பின்பற்றப் படுகின்றது.
• இந்நாட்டில் 80 வெவ்வேறு மொழிகளைப் பேசும் 80 இன மக்கள் வாழ்கின்றனர்.
• உலக வியாபாரத்தில் மிகவும் நலிவடைந்த நிலையில் உள்ள நாடு இது. சர்வதேச வர்த்தகத்தில் 182 ஆவது இடத்தில் உள்ளது. உலகில் சர்வதேச வியாபாரத்தில் முதலாமிடத்தில் உள்ளது சிங்கப்பூர் ஆகும்(தகவலுக்கு நன்றி:www.doingbusiness.org)
• இந்நாட்டிற்குப் பிரான்ஸ் மற்றும் பல சர்வதேச நிறுவனங்கள் பல நிதியுதவிகளைச் செய்து இந்நாட்டின் பொருளாதாரத்தைக் கட்டியெழுப்ப முற்பட்ட போதும், இந்நாட்டுப் பொருளாதாரத்தைத் தூக்கி நிறுத்த முடியவில்லை.
• நாட்டில் பத்திரிகைச் சுதந்திரம், கருத்துச் சுதந்திரம், மனித உரிமைகள் போன்றவையும் மிகவும் மட்டுப்படுத்தப் பட்ட நிலையிலேயே உள்ளன.
• 2006 ஆம் ஆண்டில் இந்நாட்டில் ஏற்பட்ட உள்நாட்டு வன்முறைகள், கடும் வரட்சி காரணமாக பல்லாயிரக் கணக்கான மக்கள் அகதிகளாக அண்டைநாடுகளுக்கு இடம்பெயர்ந்தனர். 50,000 இற்கு மேற்பட்ட மக்கள் பட்டினிச் சாவின் விளிம்பிலிருந்து ஐ.நாவினால் காப்பாற்றப் பட்டனர்.
• தற்போது இந்நாட்டில் நூற்றுக் கணக்கான சர்வதேசத் தொண்டு நிறுவனங்களும், ஐ.நா.அமைதி காக்கும் பிரிவினரும், ஐ.நா முகவர் அமைப்புகளும் சேவையில் ஈடுபட்டுள்ளனர்.