நினைவில் நின்ற பொன்மொழிகள்

தொகுப்பு: ச.அருணன் ,

சிட்னி, அவுஸ்திரேலியா.

• நாளை என்பது நம் கையில் இல்லை, நல்லதை நினைத்தால் அந்தக் கணமே செய்து விடவேண்டும்.

• முதலில் கடவுளை நம்புகிறவன் வெற்றி காண்கிறான்.

• பிறரை ஏமாற்ற நினைப்பது நம்மை நாமே ஏமாற்றிக் கொள்வதற்குச் சமம்.

• மலருக்கு மதிப்புத் தருவது மணம், மனிதனுக்கு மதிப்புத் தருவது குணம்.

• இனிய சொற்களே இதயக் கதவைத் திறக்கும் சாவி.

• உங்களுடைய நியாயமான சரியான வழிகாட்டி உங்கள் மனச்சாட்சிதான்.

• சாத்திரம் பல கற்றாலும் ஆத்திரம் அடக்குவதே "அறிவு"

• தடுமாறும் கால் சமாளித்துக் கொள்ளும், தடுமாறும் நாக்கு மீளாது.

• நல்ல நினைவுகளே நம்மை உயர்த்தும் ஏணிப்படிகள்.

• அடுத்தவனைக் குறை சொல்வது தன் குறைகளை மறைப்பதற்காகவே.

• அன்பில்லா வார்த்தை அம்பை விடக் கொடியது.

• நினைப்பது நீயாக இருக்கலாம், ஆனால் அதை செயலாக்குவது இறைவன்தான்.