ஆக்கம் இ.சொ.லிங்கதாசன்
இது தவிரவும் சிறிய மீன்களில் கறி சமைக்கும்போதும், கருவாட்டுக் குழம்பு சமைக்கும்போதும் கத்தரிக்காயைச் சேர்க்கும் வழக்கம் சில பிரிவு மக்களிடம் காணப் படுகிறது. அதேபோல் வாழைக்காய், பலாக்கொட்டை போன்றவற்றை எண்ணையில்பொரித்து உண்பதுபோல் கத்தரிக் காயையும் பொரித்து உண்ணும் வழக்கமும் எமது இலங்கைத் தமிழ் மக்களிடம் காணப் படுகிறது". என்று கத்தரிக்காயைப் பற்றி எனக்குத் தெரிந்த விடயங்களை அவரிடம் ஒப்புவித்தேன்.
அதாவது கத்தரிக்காய்க் குழம்பில் கருவாடு சேர்த்துச் சமைக்கும் வழக்கம் இலங்கையில் பரவலாக எல்லாப் பாகத்திலும் வாழ்கின்ற மக்களிடமும் காணப் படுகிறது. ஆனால் இவ்வழக்கம் யாழ் மாவட்டத்தின் 'வடமராட்சி' பகுதியில் விசேடம். பல வருடங்களுக்கு முன் நான் சந்தித்த யாழ்ப்பாணம், வடமராட்சிப் பகுதியைச் சேர்ந்த ஒருவருடன் யாழ் மாவட்டத்து உணவுகள், அவற்றின் 'நாவூற' வைக்கும் சுவைகள் பற்றி பேச்சு எழுந்தபோது பின்வருமாறு கூறினார்:
முல்லாவும் கத்தரிக்காயும்
அரசரும் முல்லாவும் அருகருகே அமர்ந்திருந்து உணவருந்திக் கொண்டிருந்தனர். உணவில் கத்தரிக்காய்க் கறியும் இடம்பெற்று இருந்தது.அரசர் கூறினார் "கத்தரிக்காய் ஒரு அற்புதமான காய்கறி, அதன் சுவையே அலாதியானது" என்றார். உடனே முல்லாவும் "ஆமாம் அரசே, கத்தரிக்காய் மிகவும் சுவையானது" என்றார்.இன்னொருநாள் இருவரும் சேர்ந்து உணவருந்தியபோது மன்னர் கூறினார் "இந்தக் கத்தரிக்காய் ஒரு மோசமான காய்கறி, அதில் எந்தவிதச் சுவையும் கிடையாது" என்றார். உடனே முல்லாவும் "ஆமாம் அரசே கத்தரிக்காய் ஒரு வெறுக்கத்தக்க காய்கறி, அதனை உண்பதால் 'சொறி', 'சிரங்கு' போன்றவையும் ஏற்படுகின்றன" என்றார். உடனே மன்னர் முல்லாவைப் பார்த்துக் கேட்டார்.என்ன முல்லா? அன்று நான் கத்தரிக்காயைப் பாராட்டியபோது நீரும் பாராட்டினீர், இன்று நான் கத்தரிக்காயை இகழ்ந்து பேசும்போது நீரும் வெறுப்பாகப் பேசுகிறீர்? என்று கேட்டார். அதற்கு முல்லா கூறினார் "அரசே நான் வேலை பார்ப்பது, உங்களிடம்தான், கத்தரிக்காயிடம் அல்ல. எனக்குச் சம்பளம் தருவது நீங்கள்தான்,கத்தரிக்காய் அல்ல" என்று பதிலளித்தார்.
எனது கதையைக் கேட்ட திரு.பழனிச்சாமி அவர்கள் "இக்காலத்தைப் போலவே அக்காலத்திலும் பிழைக்கத் தெரிந்த முல்லா" என்றார் சிரித்துக் கொண்டே.
(தொடரும்)
2 கருத்துகள்:
suvaiyakaullathu ...interesting ..Thank you..
Vetha - Dk
முல்லாவின் பதிலை கேட்டு விழுந்து விழுந்து சிரித்தேன் . கதை சூப்பர் . அத்துடன் கத்தரிக்காய் மட்டும் அல்ல எங்கள் ஊர்பக்கம் முருங்கைக்காயும்
கருவாடு சமைக்கும் போது பயன்படுத்துகின்றார்கள் .தகவலுக்கு நன்றி
கருத்துரையிடுக