நாடுகாண் பயணம் - புர்கினா பாசோ

நாட்டின் பெயர்:

புர்கினா பாசோ (Burkina Faso)

அமைவிடம்:

மேற்கு ஆபிரிக்கா 

எல்லைகள்:

வடக்கு - மாலி 

கிழக்கு - நைகர்

தென்கிழக்கு - பெனின் 

தெற்கு - டோகோ, கானா 

தென்மேற்கு - ஐவரி கோஸ்ட் 

தலைநகரம்:

அவ்கா டவ்கோ (Ouagadougou)

ஆட்சிமுறை:

பிரதமருக்கும், ஜனாதிபதிக்கும் சம அதிகாரமுடைய இரட்டை அதிகார (Semi presidential) குடியரசு 

அலுவலக மொழி:

பிரெஞ்சு 

பிராந்திய மொழிகள்:

மூரே (Moore)

டியோலா (Dioula / Bambara)

சமயங்கள்:

முஸ்லீம்கள் 50 %

பழமைவாத இயற்கையியல் சமயம் 40 %

ரோமன் கத்தோலிக்கம் 10 %

கல்வியறிவு:                             

28.7 %

ஆயுட்காலம்:

ஆண்கள் 51.7 வருடங்கள் 

பெண்கள் 55.7 வருடங்கள் 

பிரான்சு நாட்டிடம் இருந்து சுதந்திரம்:

5.08.1960

பரப்பளவு:

274,200 சதுர கிலோமீட்டர்கள் 

சனத்தொகை:

15,746,232 (2009 மதிப்பீடு)

ஜனாதிபதி:

பிளாய்சே கொம்ப்பவ்ரே (Blaise Compaore)

பிரதமர்:

லுக் அடொல்பே தியாவோ (Luc-Adolphe Tiao)

நாணயம்:

மேற்கு ஆபிரிக்க பிராங்(West African Franc / CFA /XOF)

இணையத்தளக் குறியீடு:

.bf

சர்வதேசத் தொலைபேசிக் குறியீடு:

00-226

இயற்கை வளங்கள்:

தங்கம், செப்பு, இரும்பு, மங்கனீஸ்.

விவசாய உற்பத்திகள்:

இறுங்கு, வாற்கோதுமை, சோளம், வேர்க்கடலை(கச்சான்), அரிசி, பருத்தி.


ஏற்றுமதிகள்:

தங்கம், பருத்தி, கால்நடைகள்.

நாட்டைப் பற்றிய சிறு குறிப்புகள்:

• கடந்த 1960 ஆம் ஆண்டு வரை இந்நாடு அப்பர் வோல்டா(Upper Volta) எனும் பெயரால் அழைக்கப்பட்டது.
• உலகில் கல்வியறிவு மிகக்குறைந்த நாடுகளின் வரிசையில் மூன்றாவது இடத்தில் உள்ளது.
• உலகில் குறைந்த ஆயுட்காலம் கொண்ட மக்கள் வாழும் நாடுகளில் ஒன்று.
• கல்வியைப் போலவே சுகாதாரத் துறையும் மிகவும் மோசமான நிலையில் உள்ளது. ஒரு லட்சம் நோயாளிகளுக்கு 10 மருத்துவர்கள் எனும் நிலையே காணப்படுகிறது.
• சிறுமிகளுக்கு சமயச் சடங்காக 'பெண் உறுப்பின் உணர்வுள்ள பகுதியை' கூரிய ஆயுதத்தினால் வெட்டும் 'கொடுமை' நிகழும் நாடுகளில் ஒன்று. உலக சுகாதார ஸ்தாபனத்தின் புள்ளி விபரப்படி புர்கினா பாசோவில் கடந்த 2005 ஆம் ஆண்டில் 72.5 % சிறுமிகளுக்கும், பெண்களுக்கும் இக்கொடுமை நிகழ்ந்துள்ளது(தகவலுக்கு நன்றி: en.wikipedia.org)
• இந்நாட்டின் விவசாயம் சர்வதேசத் தொண்டு நிறுவனங்களின் நிதியுதவியுடனேயே நடைபெறுகிறது.
• இந்நாட்டின் மொத்தத் தேசிய வருமானத்தில் பெரும்பகுதியை வெளிநாட்டில் தொழில்புரியும் இந்நாட்டுப் பிரஜைகள் அனுப்பும் அந்நியச் செலாவணி (பணம்) ஈடு செய்கின்றது.
• பத்திரிகைச் சுதந்திரம் இல்லாத நாடுகளில் ஒன்று.
• ஐ.நா.வின் மதிப்பீடுகளின்படி உலகில் வறிய நாடுகளின் வரிசையில் 6 ஆவது இடத்திலும், வறிய ஆபிரிக்க நாடுகளின் வரிசையில் 3 ஆவது இடத்திலும் உள்ளது.
• உலகில் ஏராளமான வெளிநாட்டுக் கடனைக் கொண்டுள்ள, மிகக் குறைந்த 'தனி நபர் வருமானம்' உள்ள நாடுகளில் ஒன்று.