அந்திமாலைக்கு ஆண்டுநிறைவு வாழ்த்து.

பா ஆக்கம் வேதா. இலங்காதிலகம், டென்மார்க்.

இலட்சியம் ஊற்றி நிரப்பி

இலக்கோடு மானுடம் நிமிர்த்த
கோலோச்சும் அந்திமாலைக்கு தமிழ்
மொழியோச்சும் பணி வலையில்.
தலை நிமிர்ந்த தமிழை
அலைந்திட விடாது டென்மார்க்கிலும்
இலை விட்டு வளர்கவென
நிலையூன்றும் வினை வலைப்பூ

அந்திமாலை இணையம் ஓயாது
பந்தி விரித்துத் தமிழை
சிந்தி வந்து இப்போது
ஏந்துகிறது ஓராண்டு நிறைவை.
நிலைமைக்கேற்ற உரை கல்லாக
கலை, இலக்கியம், தகவல்,
விலையற்ற பொது அறிவென
நிலைபெற்ற பல சேவை வாழ்க!.

சின்னஞ் சிறாருக்கும் எந்தப்
பென்னம் பெரும் கலைஞருக்கும்
சின்ன வேற்றுமையற்ற சமவிடம்.
என்னே! உன் சேவை வாழ்க!
என்னையும் உன்னுள் எடுத்தாய்!
என் நெஞ்சார்ந்த சேவையுண்டு.
விரிபுவியில் நீ வளர்ந்து
வியத்தகு புகழ் நாட்டு!

சொற்கள் கொம்பு சீவிய
நாவார்ந்த ஓராண்டு நிறைவு
நெஞ்சார்ந்த வாழ்த்துகள்! 
வாழ்க! வளர்க! வளர்க!