ஆக்கம் இ.சொ.லிங்கதாசன்
சோளத்தில் அரிசி, கோதுமையைவிட புரதச் சத்தும் அதிகம். அது மட்டுமன்றி மதுபானங்கள் தயாரிப்பிலும் சோளம் முக்கிய பங்கு வகிக்கிறது""என்னது மதுபானத் தயாரிப்பில் சோளமா"? என்றேன் நான் வியப்புடன்.
 |
| பியர் |
எனது ஆச்சரியத்தையும் புரிந்துகொண்ட திரு.பழனிச்சாமி அவர்கள் தொடர்ந்தார். "ஆம் சோளத்தில், மதுபானத் தயாரிப்பிற்கு தேவையான மூலப் பொருள் அடங்கியிருக்கிறது. இருப்பினும் ஐரோப்பியர்கள் சோளத்தைவிட மலிவாகக் கிடைக்கும் கோதுமை, பார்லி போன்றவற்றை மதுபானத் தயாரிப்பில் உபயோகிக்கிறார்கள். ஆனால் லத்தீன் அமெரிக்க நாட்டவர்கள் சாதாரண 'பியரை' விடவும் சோளத்தில் தயாரிக்கப் படும் அதிக போதைதரும் 'பியரையே'(Beer) விரும்பிக் குடிக்கிறார்கள், ஆபிரிக்க உணவு வகைகள் பெரும்பாலும் சோளத்தை அடிப்படையாகக் கொண்டிருப்பதால், ஆபிரிக்கர்கள் சோளத்தில் மதுபானம் தயாரிப்பதில்லை. சீனர்கள் கொழுப்புக் குறைந்த எண்ணெய் வகைகளிலேயே 'சோள எண்ணையையே' அதிகம் உபயோகிக்கிறார்கள், மத்திய கிழக்கில் பணக்காரர்களின் கால் நடைகளுக்கு சோளத்தில் செய்யப்பட்ட 'தீவனங்கள்' நாளாந்தம் உணவாகக் கிடைக்கின்றன".
 |
| கோன் பிளேக்ஸ் |
"சாதாரண சோளத்திற்குப் பின்னால் இவ்வளவு சுவையான தகவல்களா?" என்றேன் திரும்பவும் வியப்பு மேலிட, அவரும் விட்டபாடில்லை, "இல்லை, இன்னும் முடியவில்லை சோளத்தின் கதை" என்றார் சிரித்துக் கொண்டே, நானும் கேட்கத் தயாராகினேன். "பெரும்பாலான ஐரோப்பிய நாடுகளில், பள்ளிக்குச் செல்லும் குழந்தைகளின் காலை உணவு என்ன? என்ற கேள்வியுடன் ஆரம்பித்தார், நானும் வெகு அலட்சியமாக "கோன் பிளேக்ஸ் (Corn Flakes) என்றேன். அந்தக் 'கோன் பிளேக்ஸ்' இன் அடிப்படையே
 |
| சிக்கன் சிக்ஸ்டி பைவ் |
'சோள மாவுதான்', அது மட்டுமல்ல ஐரோப்பியர்கள் பலகாரங்களை முறுகிய சுவையுடன் தயாரிப்பதற்கும், இறைச்சிகளை முறுகிய சுவையுடன் பொரிப்பதற்கும் சோளமாவே காரணம். கோழி இறைச்சியில் புகழ்பெற்ற 'கொட் விங்க்ஸ் (Hot wings),
தமிழ்நாட்டில் புகழ்பெற்ற 'சிக்கன் சிக்ஸ்டி பைவ் (Chicken 65) போன்ற உணவுகள் மிகவும் சுவையாக இருப்பதற்கும் காரணமும் சோள மாவுதான்". என்றார்.
சோளம் பற்றி பெரிய உரையே ஆற்றி விட்டீர்கள், அடுத்து இறுங்கு (கம்பு) தமிழ் மக்களின் உணவில் எத்தகைய முக்கியத்துவம் பெறுகிறது? என்று ஒரு புதிய கேள்விக்கணையை அவரை நோக்கித் திருப்பினேன்.
(தொடரும்)
உங்கள் கருத்துக்களும் வரவேற்கப் படுகின்றன.
கருத்துகள் இல்லை:
கருத்துரையிடுக