நாடுகாண் பயணம் - எத்தியோப்பியா

நாட்டின் பெயர்:

எத்தியோப்பியா(Ethiopia)

*எதியோப்பியா எனவும் தமிழில் உச்சரிக்கப் படுகிறது.

வேறு பெயர்கள்:

எத்தியோப்பியக் கூட்டாட்சி மற்றும் ஜனநாயகக் குடியரசு(Federal Democratic Republic of Ethiopia)

அமைவிடம்:

கிழக்கு ஆபிரிக்கா

தலைநகரம்:

அடிஸ் அபாபா(Addis Ababa)

அலுவலக மொழி:

அம்ஹாரிக்(Amharic)

ஏனைய மொழிகள்:

மொத்தம் 90 வெவ்வேறு பிராந்திய மொழிகள்.

இனங்கள்:

ஒரோமோ 34,5%

அம்ஹாரா 26,9% 

சோமாலி 6,2%

திக்ரே 6,1%

சிடமா 4%

குரேஜ் 2,5%

வேலேய்டா 2,3%

ஹடியா 1,7%
அவ்வர் 1,7%
காமோ 1,5%
கீடோ 1,3%
ஏனையோர் 11,3%


சமயங்கள்:
கிறீஸ்தவம் 62,8%
இஸ்லாம் 33,9%
ஆபிரிக்க மரபுச் சமயங்கள் 2,6%
ஏனையோர் 0,6


கல்வியறிவு:
42%
*ஆபிரிக்காவில் கல்வியறிவு குறைந்த நாடுகளில் ஒன்று.


ஆயுட்காலம்:
ஆண்கள் 53 வருடங்கள் 
பெண்கள் 58 வருடங்கள்
*ஆயுட்காலம் குறைவாக இருப்பதற்கு எயிட்ஸ் நோயினால் இறப்போரின் எண்ணிக்கை அதிகமாக இருப்பதும் ஒரு காரணம் ஆகும். 


ஆட்சிமுறை:
பாராளுமன்ற ஒற்றையாட்சிக் குடியரசு


ஜனாதிபதி:
கிர்மா வோல்தே ஜியோகிஸ் (Girma Wolde-Giorgis)*இது 14.02.2012 அன்று உள்ள நிலவரமாகும்.

பிரதமர்:
மெலிஸ் ஸினாவி (Meles Zenawi)*இது 14.02.2012 அன்று உள்ள நிலவரமாகும்.

பரப்பளவு:
1,104,300 சதுர கிலோ மீட்டர்கள்.(உலகில் 27 ஆவது பெரிய நாடு)


சனத்தொகை:
82,101,998(2011 மதிப்பீடு)*சனத்தொகை அடிப்படையில் உலகின் 14 ஆவது பெரிய நாடு.


நாணயம்:
பிர்(Birr /ETB)


இணையத் தளக் குறியீடு:
.et


சர்வதேசத் தொலைபேசிக் குறியீடு:
00 + 251


வேலையில்லாத் திண்டாட்டம்:
24%


வறுமைக் கோட்டிற்குக் கீழே வாழ்வோர்:
38%


பணவீக்கம்:
28%


விவசாய உற்பத்திகள்:
தானியங்கள், பருப்பு வகைகள், எண்ணெய் வித்துக்கள், கோப்பி(காப்பி), பருத்தி, கரும்பு, உருளைக் கிழங்கு, கற்(வெற்றிலையைப் போன்ற சுவையுடைய ஒரு போதைப் பொருள்), பூக்கள், கால்நடைகள்(ஆடுகள், செம்மறி ஆடுகள்), மீன்.


வருமானம் தரும் தொழில்கள்/உற்பத்திகள்/தொழிற்சாலைகள்:
உணவு பதனிடல், மதுபானம், துணிவகை, தோல் பதனிடல், தோல் பொருட்கள் தயாரிப்பு, இரசாயனப் பொருட்கள், உலோகங்களை உருக்கும் தொழிற்சாலைகள், சீமெந்து.


ஏற்றுமதிகள்:
கோப்பி(காப்பி), கற்(வெற்றிலையைப் போன்ற சுவையுடைய ஒரு போதைப் பொருள்), தங்கம், தோலினால் ஆன பொருட்கள், கால்நடைகள், எண்ணெய் வித்துக்கள்.


நாட்டைப் பற்றிய சிறு குறிப்புகள்:

• கல்வியறிவின்மை, வேலைவாய்ப்பின்மை, வரட்சி ஆகியவற்றால் நாடு மிகவும் பின்தங்கிய நிலையில் உள்ளது.
• நாட்டின் மொத்தத் தேசிய வருமானத்தில் அரைப் பங்கினைப் பெற்றுத் தரும் விவசாயம் கடும் வரட்சியினால் மிகவும் பாதிப்புக்கு உள்ளாகியிருக்கிறது.
• ஒரு லட்சம் நோயாளிகளுக்கு 1 மருத்துவர் என்ற நிலை காணப்படுகிறது.
• நாட்டிலுள்ள குழந்தைகளில் ஐந்து வயதிற்கு உட்பட்டவர்களில் 34% பேர் போஷாக்குக் குறைவினால் அவதியுறுவதோடு இவர்களில் பலர் ஐந்து வயதிற்குள்ளாகவே இறந்து போகின்றனர்.