செவ்வாய், ஏப்ரல் 09, 2019

வருடாந்த திருவிழா விஞ்ஞாபனம்

அல்லைப்பிட்டி இனிச்ச புளியடி முருகன் ஆலய வருடாந்த திருவிழா சித்திரை - 2019 


சனி, மார்ச் 30, 2019

இன்று நள்ளிரவில் நேர மாற்றம் மறக்க வேண்டாம்.

இன்றைய தினம் (30.03.2019 சனிக்கிழமை) 
நள்ளிரவுக்குப் பின்னர் வரும் அதிகாலை 2.00 மணிக்கு
( 31.03.2019 ஞாயிற்றுக் கிழமை அதிகாலை)  ஐரோப்பாவில் 'நேரமாற்றம்' நிகழ்கிறது என்பதை ஐரோப்பிய வாசகப் பெருமக்களுக்கு நினைவூட்ட விரும்புகிறோம். 
இன்றிரவு சனிக்கிழமை நள்ளிரவுக்குப் பின்னர் வரும் 2.00மணிக்கு கடிகாரங்கள் அனைத்திலும் நேரம் ஒரு மணித்தியாலத்தினால் அதிகரிக்கப் பட்டு பின்னிரவு(அதிகாலை) 3.00 மணியாக மாற்றப் படும்.(கோடை கால நேரத்திற்கு மாற்றப் படுகிறது) ஐரோப்பிய வாசகர்கள் அனைவரும் இதனைக் கருத்தில் கொள்ளுமாறு கேட்டுக் கொள்ளப் படுகிறீர்கள். தன்னியக்கமாகவே மாறும் தன்மையுள்ள கணனிகள், கைத்தொலைபேசிகள், கடிகாரங்கள் வைத்திருப்போர் தவிர்ந்த ஏனையோர் இன்றிரவு உறங்கச் செல்லும்போது நேரத்தை 1 மணித்தியாலம் அதிகரித்து வைத்தபின் உறங்கச் செல்லுதல்  சாலச் சிறந்தது. 
எதிர்வரும் 2021 ஆம் ஆண்டு தொடக்கம் இந்த நேர மாற்றத்தை முற்றாக நிறுத்தி, ஒரே நேரத்தை தொடர்வது பற்றி ஐரோப்பிய ஒன்றியத்தில் விவாதம் நடைபெற்று வருவதும் குறிப்பிடத் தக்கது.
ஐக்கிய அமெரிக்காவிலும், கனடாவிலும் இந் நேரமாற்றம் கடந்த 10.03.2019 அன்று நிகழ்ந்தமையும், 
அவுஸ்திரேலியாவில்(ஆஸ்திரேலியாவில்) இந்த நேரமாற்றம்(கோடை காலத்துக்கான நேர மாற்றம் / நேரக்குறைப்பு) எதிர்வரும் 07.04.2019 அன்று நிகழ உள்ளமையும் குறிப்பிடத் தக்கது.
இங்ஙனம் 
ஆசிரிய பீடம் 
அந்திமாலை இணையம்.

செவ்வாய், டிசம்பர் 25, 2018

கிருஸ்துமஸ் வாழ்த்துக்கள்


தேவகுமாரன் பிறப்புக் கவிதை



புவியை மீட்க வந்த பாலன்


சீதளக் காற்று வீசிய - ஓர் புது இரவினிலே 
சீர் வந்தது உலகுக்குப் புதுச் சீர் வந்தது - அது 
மாதிளங்கன்னி மரியாள் வயிற்றுப் பொன் முத்து 
மனுக்குலம் மீட்க வந்த இறையின் சொத்து.

கோடி வெள்ளி சேர்ந்தவொளி சிந்திச் சிரித்தது - புவி மாந்தர் இனி மீள்வரென சிறிய விழி மலர்ந்தது.
நாடியிறை நமக்களித்த நற்செய்தி வாய்திறந்து 
தாயணைப்பில் செவி குளிர இருள் விடியத் தானழுதது.
அழுத முகம் சிரிக்கையிலே புனிதமெங்கும் தெறித்தது 
பிறந்த பாலன் யேசுவை உலகமின்றும் போற்றுது
சிலுவையிலே துயர் சுமந்து மரித்த பின்னும் உயிர்த்தெழுந்து 

இறையரசை நிறுவவந்த புனிதபாலன் வாழ்கவே. 
   

-ஆக்கம்-
ஈழக்கவிஞன் 
இரா.கெளரிநாதன்

செவ்வாய், நவம்பர் 06, 2018

இனிய தீபாவளி வாழ்த்துக்கள்

அனைத்து அன்பு உள்ளங்களுக்கும், வாசகப் பெருமக்களுக்கும் எமது உளங்கனிந்த தீபத் திருநாள் வாழ்த்துக்கள் உரித்தாகட்டும்.
மிக்க அன்புடன்
-நிர்வாகி-
அந்திமாலை இணையம்

சனி, அக்டோபர் 27, 2018

இன்று நள்ளிரவில் நேர மாற்றம் மறக்க வேண்டாம்!

இன்றைய தினம் அஃதாவது சனிக்கிழமை (28.10.2018)நள்ளிரவுக்குப் பின்னதாக வரும் பின்னிரவு 3.00 மணிக்கு(ஞாயிற்றுக் கிழமை அதிகாலை)ஐரோப்பியக்  கண்டத்திலுள்ள நாடுகள்அனைத்திலும் கடிகாரங்களில் 1 மணித்தியாலம் பின்நகர்த்தப்பட்டு(1மணித்தியாலம் குறைக்கப் பட்டு)நேரம் அதிகாலை 2.00(A.M)மணியாக மாற்றப்படும் என்பது எமது வாசகர்களில் பெரும்பாலானோர்அறிந்த விடயமாகும். இருப்பினும் ஒரு சிலரேனும் மறந்து போவதற்கு வாய்ப்புள்ளது என்பதால் இவ்வறிவித்தலை விடுக்கவேண்டிய கடமை 'அந்திமாலைக்கு' உள்ளது. 
அமெரிக்கக் கண்டத்தில்(கனடா உட்பட) இந்த நேர மாற்றம் எதிர்வரும் நவம்பர் மாதம் 4 ஆம் தேதி(04.11.2018) நள்ளிரவில் நடைபெற இருப்பதும் ,  

அவுஸ்திரேலியாவில்(ஆஸ்திரேலியா) இந்த நேர மாற்றம் கடந்த 07.10.2018 அன்று இடம்பெற்றதும் குறிப்பிடத் தக்கது
அன்புடன் 
-நிர்வாகி- 
அந்திமாலை இணையம் 
டென்மார்க்