செவ்வாய், ஜூலை 01, 2014

உங்கள் வீட்டிலும் நடக்கிறதா?

  • இரண்டு பெரியோர், இரண்டு சிறியோர் கொண்ட ஒரு சராசரி டேனிஷ் குடும்பத்தால்(டென்மார்க்) வருடமொன்றுக்கு 10.000 குரோண்கள் (ஏறக்குறைய இரண்டாயிரம் அமெரிக்க டாலர்கள்) பெறுமதியான உணவுப் பொருட்கள்(பண்டங்கள்) குப்பைத் தொட்டியில் வீசப் படுகின்றன.(ஆதாரம்:விவசாயம் மற்றும் உணவுத் திணைக்களம், டென்மார்க் 2010)


  • சாதாரணமாக குப்பைத் தொட்டியில் வீசப்படும் உணவுப் பொருட்களை அவதானித்ததில் காய்கறிகள், பாலுணவுப் பொருட்கள், பாண்/ரொட்டி (Bread) போன்றவையே அதிகமாக வீசப் படுகின்றன எனக் கண்டுபிடிக்கப் பட்டுள்ளது.(ஆதாரம்:விவசாயம் மற்றும் உணவுத் திணைக்களம், டென்மார்க் 2010)


  • வருடாந்தம் டேனிஷ் மக்களால்(டென்மார்க் மக்களால்) 680.000 தொன் எடையுடைய உணவுப் பொருட்கள் வீணாகக் குப்பைத் தொட்டியில் வீசப் படுகின்றன.(ஆதாரம் விவசாயம் மற்றும் உணவுத் திணைக்களம்,டென்மார்க் 2006)


  • டென்மார்க்கில் குப்பைத் தொட்டிகளில் வீசி எறியப்படும் உணவுகளில் 89% வரையானவை குடும்பமாக வாழ்கின்ற பொதுமக்களாலேயே எறியப் படுகின்றன.(ஆதாரம்: சுற்றுச் சூழல் துறை, டென்மார்க் 2008) 


என்ன செய்யலாம்?
  1. ஒவ்வொரு வேளை உணவையும் திட்டமிட்டுத் தயாரிப்பதன் மூலம் உணவுப் பொருட்கள் வீணாகிக் குப்பைத் தொட்டியில் வீசப்படுவதைத் தவிர்க்கலாம்.
  2. குடும்ப அங்கத்தவர் ஒவ்வொருவரும் எவ்வளவு உணவு உண்பார்கள்? என்பதைத் திட்டமிட்டு அந்த அளவில் உணவினைத் தயாரிக்கலாம்.
  3. வீட்டில் தயாரிக்கப்படும் பிரதான உணவுகளில்(உதாரணமாக இலங்கைமக்கள் சோறு, புட்டு, இடியப்பம்/ தமிழக மக்கள் இட்லி,தோசை,உப்புமா) எதைக் குடும்ப உறுப்பினர்கள் அதிகமாக விரும்பி உண்கின்றனர், எதைக் குறைவாக உண்கின்றனர் என்ற 'மதிப்பீடு' மிகவும் அவசியமானது. 
  4. இவ்வாறு திட்டமிட்டு தயாரிக்கப்பட்ட உணவுகூட அதிக அளவில் மீதமுள்ளதா? உடனடியாக குளிரூட்டியிலோ(Refrigerator) அல்லது கடும் குளிரூட்டியிலோ(Freezer) பாதுகாப்பாக வைத்து அடுத்தநாள் உண்ணலாம்.
உணவுப் பொருட்களைக் கடையில் வாங்கும்போது கண்டிப்பாக எம்மை நாமே கேட்கவேண்டிய கேள்விகள் 
  • எமது குடும்பத்துக்கு என்ன பொருள், எந்த அளவில் தேவை?
  • நாம் வாங்குகின்ற பொருளை அதன் முடிவுத் தேதிக்கிடையில்(Expiry Date) பயன்படுத்துவோமா?
  • வீட்டில் கையிருப்பில் என்னென்ன பொருட்கள், எந்தெந்த அளவில் உள்ளன?
  • எந்தெந்தப் பொருட்களின் முடிவுத் தேதி(Expiry date) நெருங்கி வருகிறது?
  • குளிர்சாதனப் பெட்டியில்(Refrigerator), கடும் குளிரூட்டியில்(Freezer) என்னென்ன பொருட்கள் உள்ளளன எனக் கவனித்தோமா?
சிக்கனமாக வாழ்ந்து, செல்வத்தைச் சேர்ப்போம், நாட்டுக்கும் வீட்டுக்கும் உதவுவோம்.

3 கருத்துகள்:

Kanthan Denmark சொன்னது…

Tak

Palanikumar, Pollachi சொன்னது…

useful information.

suthan சொன்னது…

yes we want to know how many people are not geting food,,,,,,,,,,,,,,,

கருத்துரையிடுக