ஞாயிறு, நவம்பர் 17, 2013

குறள் காட்டும் பாதை

இன்றைய குறள்
அதிகாரம் 92 வரைவின் மகளிர்

தம்நலம் பாரிப்பார் தோயார் தகைசெருக்கிப் 
புன்நலம் பாரிப்பார் தோள். (916)
 
பொருள்: ஆடல், பாடல், அழகு என்பனவற்றால் தம் நலத்தை(இழிவான இன்பத்தை) விற்கும் பொது மகளிர்(விலை மகளிர்) தோள்களை உயர்ந்தோர் தீண்ட மாட்டார்.

இன்றைய பொன்மொழி

மூத்தோர் சொல்

மனிதா!
வெந்ததைத் தின்று, வாயில் வந்ததைப் பேசி, விதி வந்தால் சாவோம் என வாழும் வாழ்க்கையும் ஒரு வாழ்க்கையா? நாம் வாழவேண்டும் என்பது முக்கியமல்ல. வாழ்க்கைக்கு அப்பால் நமது பெயர் பொறிக்கப்பட வேண்டும் என்பதை நினைவில் கொள்வாயாக.

சனி, நவம்பர் 16, 2013

குறள் காட்டும் பாதை

இன்றைய குறள்
அதிகாரம் 92 வரைவின் மகளிர்

பொதுநலத்தார் புன்னலம் தோயார் மதிநலத்தின் 
மாண்ட அறிவி ன்அவர். (915) 
 
பொருள்: இயற்கையான மதி நலத்தையுடையார் பொருள் தருவார்க்கெல்லாம் ஆசை காட்டும் பொது மகளிரின் இழிவான தொடர்பை விரும்ப மாட்டார்.

இன்றைய சிந்தனைக்கு

சுவாமி விவேகானந்தர் 

எப்போதும் விரிந்து ,மலர்ந்து கொண்டே இருப்பதுதான் வாழ்க்கையாகும். சுருங்கி விடுவதை மட்டும் கவனித்துக் கொண்டு, சோம்பல் வாழ்க்கை வாழும் சுயநலக்காரனுக்கு நரகத்தில் கூட இடம் கிடையாது.

வெள்ளி, நவம்பர் 15, 2013

குறள் காட்டும் பாதை

இன்றைய குறள்
அதிகாரம் 92 வரைவின் மகளிர்

பொருட்பொருளார் புன்னலம் தோயார் அருள்பொருள் 
ஆயும் அறிவி ன்அவர். (914)
 
பொருள்: பொருள் ஒன்றையே பொருளாகக் கொண்ட(எண்ணமாகக் கொண்ட) பொது மகளிரின் இழிந்த இன்பத்தை அறிவினையுடையார் பொருந்தமாட்டார்(விரும்ப மாட்டார்)

இன்றைய பொன்மொழி

மூத்தோர் சொல்

செல்வந்தராவதும், எழையாவதும் அவரவர் கைகளிலேயே உள்ளது. செலவுக்குமேல் கூடுதலாக வருவாயுள்ளவன் செல்வந்தன். வரவுக்குமேல் செலவழிப்பவன் ஏழை.

வியாழன், நவம்பர் 14, 2013

குறள் காட்டும் பாதை

இன்றைய குறள்
அதிகாரம் 92 வரைவின் மகளிர்

பொருள் பெண்டிர் பொய்ம்மை முயக்கம் இருட்டு அறையில்
ஏதில் பிணம்தழீஇ அற்று. (913)
 
பொருள்: கொடுக்கும் பொருளையே விரும்பும் பொது மகளிரின்(விலை மகளிரின்) பொய்யான முயக்கம்(காதல்), பிணம் எடுப்பவர் ஒரு இருட்டறையில் முன் பின் அறியாத பிணத்தைத் தழுவி உறவு கொண்டது போலாகும்.