அந்திமாலை

குறள் காட்டும் பாதை

2012-03-03T00:24:00.001+01:00

இன்றைய குறள்

களவுஎன்னும் கார் அறிவு ஆண்மை அளவுஎன்னும்

ஆற்றல் புரிந்தார்கண் இல். (287)

பொருள்: களவென்னும் இருள் படர்ந்த அறியாமை, அளவறிந்து வாழும் நன் மக்களிடத்தில் ஒரு போதும் இல்லாததாகும்.

இன்றைய பொன்மொழி

2012-03-03T00:24:00.000+01:00

அன்னை தெரெசா

தெரிந்து கொள்ள முடியாத பல தியாக வரலாறுகளைச் சுமந்து கொண்டு, நம் கண் முன்னே நடமாடித் திரியும் பல நல்ல கடவுளர்களை விடுத்து நாம்தான் சில நேரங்களில் கோவில்களுக்குள்ளே போய் கடவுளைத் தேடித் திரிகிறோம்.

தாரமும் குருவும் பகுதி - 6.5

2012-03-03T00:06:00.002+01:00

ஆக்கம்: இ.சொ.லிங்கதாசன்

(ஆசிரியர்களை அவதூறு செய்வது எனது நோக்கமல்ல)

பகுதி 6.5

பாலர் வகுப்பு(Nursery/kindergarten)

எனது சித்தியைக் காலம் முழுவதும் கண்ணீர் சிந்த வைத்த சித்தப்பாவின் ஞாபகம் வந்தபோதே நான் வெரித்தாஸ் வானொலியில் ஒரு தடவை கேட்ட நகைச்சுவைத் துணுக்கை உங்களிடம் பகிர்ந்து கொள்ள வேண்டும் எனும் எண்ணம் எனக்கு ஏற்பட்டது. அதன் காரணமாகவே இரு வாரங்களுக்கு முன்னால் மேற்படி 'ஜோக்கை' உங்களுக்காகத் தந்தேன் .அது தவிரவும், ஏனைய சமயங்களைக் கிண்டலடிக்கும் நோக்கம் எனக்குத் துளியளவும் கிடையாது.

##########################################

ஒருவாறு எனது அழுகையிலிருந்து மீண்டு, சித்தப்பாவுடன் பாலர் பாடசாலையை நோக்கி சென்று கொண்டிருந்த எனக்கு திடீரென்று ஒரு விடயம் ஞாபகத்திற்கு வந்தது. மீண்டும் அழத் தொடங்கினேன். என்னை சமாதானப்படுத்தி பாலர் பள்ளிக்கு அழைத்துச் சென்றுகொண்டிருந்த சித்தப்பாவுக்கு, நான் மீண்டும் அழத் தொடங்கியது எரிச்சலூட்டியிருக்க வேண்டும் தனது குரலை சிறிது உயர்த்திக் கொண்டு "இப்ப என்னத்துக்கடா அழுகிற? நான்தான் உன்ன பள்ளிக்குடத்தில கொண்டுபோய் விடுறன் எண்டு சொல்லுறன்,பிறகு எதுக்கு அழுகிற? என்றார் சிறிது உஷ்ணமாக. முதலில் என்னை 'அப்பு', 'ராசா' என்று அழைத்தவர் இப்போது கோபமாகப் பேசியதும் எனது அழுகை அதிகரித்தது. நான் எனது அழுகையை நிறுத்தாமலே "சித்தப்பா, சித்தப்பா, டீச்சர் பாட்டுப் பழகிறத்துக்கு பாவைப் பிள்ளை(*பொம்மையை யாழ்ப்பாணத் தமிழில் 70 களில் இவ்வாறுதான் அழைத்தோம்) கொண்டு வரச் சொன்னவா, நான் வீட்டில மறந்துபோய் விட்டுட்டு வந்திட்டன்" என்றேன் அழுது கொண்டே. "சரி பறுவாயில்ல, நான் உங்கட டீச்சரிட்ட சொல்லுறன், உன்ன அடிக்க வேண்டாம் எண்டு. சரியா? என்றார். எனக்குத் தெரியும், 'கருணையே உருவமாக' இந்த மண்ணில் அவதரித்த, ஒரு வார்த்தை இரைந்து பேசத் தெரியாத, எங்கள் கமலினி டீச்சர் என்னை அடிக்கவோ,ஏசவோ(திட்டவோ) போவதில்லை என்பது எனக்கு அந்த வயதிலும், நன்கு தெரிந்திருந்தது. இருப்பினும் 'பாப்பாப் பாடல்' பழகுவதற்கு எல்லாப் பிள்ளைகளும் பொம்மை கொண்டு வரும்போது, என்னிடமும் 'சித்தியிடம் இரவல் வாங்கிய' பொம்மை இருந்தும் அதை நான் கொண்டு செல்லாமல் 'வெறுங் கையுடன்' செல்வது எனக்குப் பலத்த அவமானம் என்று உணர்ந்து அழுதேன். மானம், அவமானம், கௌரவப் பிரச்சினை எல்லாம் பார்க்கத் தெரியாத வயது அது. இருப்பினும் ஏதோ ஒன்று என்னை அழ வைத்தது. எல்லாப் பிள்ளைகளும் என்னை ஏளனமாய்ப் பார்ப்பார்கள் எனும் மனப் பிரமை காரணமா? என்பது எனக்குத் தெரியாது. "சித்தப்பா! எல்லாப் புள்ளையளும், பாவப் பிள்ள கொண்டு வருவினம், என்னட்ட மட்டும் இல்ல" என்றேன் மறுபடியும் அழுதபடி. எனது பேச்சு அவருக்கு மிகவும் எரிச்சலை ஊட்டியிருக்க வேண்டும். "அதுக்கு இப்ப என்ன என்னடா செய்யச் சொல்லுற? திரும்ப வீட்ட போய் எடுத்துக் கொண்டு வருவமா? என்று சத்தமாய்க் கேட்டார். நான் "இல்ல, இல்ல" என்றேன் முந்திக் கொண்டு. ஐந்தரை வயது என்றாலும் எனக்குத் தெரியும் திரும்ப வீட்டுக்குச் சென்று பொம்மை எடுத்து வருவதற்குள் பாலர் பள்ளிக்கு மிகவும் தாமதமாகப் போய் விடும் என்பது தெரிந்திருந்தது. எனது மறுப்பைத் தனக்குச் சாதகமாக்கிக் கொண்ட சித்தப்பா, என்னோடு ஒரு ஒப்பந்தம் செய்து கொண்டார். "அப்பிடியெண்டா ஒழுங்கா, அழாமக் கொள்ளாம, நல்ல புள்ளையா நடந்து வர வேணும்" என்று கட்டளையிட்டார். நானும் அவரது சொற்படியே 'நல்ல பிள்ளையாக' சத்தம் செய்யாமல், அழாமல் அவர்பின் சென்றேன்.
நானும், சித்தப்பாவும் பள்ளியை அடைந்தபோது வகுப்பு ஆரம்பமாகி இருந்தது. காலையில் என்னை விட்டுவிட்டுப் போய் விட்ட டீச்சரைக் கண்டதும் எனக்கு மீண்டும் அழுகை அழுகையாக, வந்தது. அதை விடவும் பாலர் பள்ளியில் மாணவர்கள் அனைவரும் கையில் 'பொம்மையுடன்' நின்றதைப் பார்த்து, என்னிடம் பொம்மை இல்லையே என்ற ஏக்க உணர்வு எனது அழுகையை இரட்டிப்பாக்கியது. ஓடிச் சென்று சென்று டீச்சரைக் கட்டிக் கொண்டு அழுதேன். எனது அழுகையைப் பார்த்து ஏனைய பிள்ளைகள் கலவரமடைந்து விடக் கூடாது என்பதில் கமலினி டீச்சர் மிகவும் அவதானமாக இருந்தார். தம்பி! தாசன் இஞ்ச பார்., முதல்ல அழுகைய நிப்பாட்டு, இப்ப என்ன நடந்திற்றுது எண்டு இப்பிடி அழுகிறாய்? குழந்தப் பிள்ளையள் மாதிரி இது என்ன பழக்கம்? சீச்சீ ! என்று அவர் கூறவும் முதலில் திகைத்து நின்ற பிள்ளைகள் சிரிக்க ஆரம்பித்தார்கள். அவர்கள் சிரிக்க ஆரம்பித்ததைப் பார்த்ததும் நான் எனது அழுகையை நிறுத்திக் கொண்டேன். டீச்சரும் எனது தலையை தடவி என்னை ஆறுதல் படுத்தினார். அந்தத் தருணத்திற்காக காத்திருந்த சித்தப்பாவும் என்னிடமிருந்து விடை பெற்றார். அன்று மீண்டும் "சின்னப் பாப்பா, எங்கள் செல்லப் பாப்பா" என்ற பாடலைக் கற்க ஆரம்பித்தோம். இடையில் நான் "டீச்சர் நான் பாவப் பிள்ள கொண்டுவர மறந்து போயிற்றன்" என்றேன் மிகவும் தயக்கத்துடன். "பறுவாயில்ல நான் பிள்ளைக்கு ஒரு பாவப் பிள்ள தாறன். நாளைக்கு மறக்காம வீட்டிலயிருந்து வரேக்க பாவப் பிள்ள கொண்டு வர வேணும் சரியா? என்றார். நான் அடைந்த ஆனந்தத்திற்கு அளவே இல்லை.டீச்சர் வைத்திருந்த பையில் இருந்து ஒரு பொம்மையை எடுத்து என்னிடம் நீட்டினார். அவர் வைத்திருந்த பையில் மேலதிகமாக இரண்டு பொம்மைகள் இருந்தன. யாராவது ஓரிரண்டு பிள்ளைகள் பொம்மை கொண்டுவர மறந்தாலும் அவர் கொண்டு வரும் பொம்மைகள் உதவட்டும் எனும் உயர்ந்த நோக்கத்தில் வீட்டிலிருந்து வரும்போதே பொம்மை கொண்டுவரும் டீச்சரை நீங்கள் எங்காவது இந்த இருபதாம் நூற்றாண்டில் கண்டதுண்டா? ஆனால் நான் குறிப்பிடும் இந்தச் சம்பவம் 1977 இல் அல்லைப்பிட்டியில் நடந்தது. இவ்வாறு 'முன்னெச்சரிக்கையுடன்' உதவும் மனப்பானமையுடன் செயல்படும் ஆசிரியர்களை இலங்கையில் மிகவும் அரிதாகவே கண்டேன். மேற்படி செயல் என் மனதில் 'கமலினி டீச்சருக்கென்று' மிகப்பெரிய இடத்தை ஒதுக்கி விட்டது. அவரைப் போன்ற உதவும் மனப்பான்மை உள்ள ஒரு ஆசிரியையை 32 ஆண்டுகள் கழித்து கடந்த 2009 ஆம் ஆண்டில் டென்மார்க் நாட்டில் கண்டேன். ஆனால் அவர் ஒரு டேனிஷ் பெண்மணி(வெள்ளைக் காரி) 32 ஆண்டுகளுக்கு முன்னரே ஒரு வெள்ளைக்காரி போல சிந்தித்த எங்கள் கமலினி டீச்சர் எங்கிருந்தாலும் வாழ்க!

(இன்னும் சொல்வேன்)

*எனது இத் தொடரில் வரும் உரையாடல்கள் 'இலங்கைத் தமிழில்'(பேச்சு வழக்குத் தமிழில்) உள்ளன என்பதைத் தமிழக வாசகர்களுக்கு அறியத் தருகிறேன்.

உங்கள் கருத்துக்களும் வரவேற்கப் படுகின்றன.

சீதைக்கு ராமன் சித்தப்பா

2012-03-02T10:23:00.000+01:00

விடிய விடிய ராமாயணம் கேட்டவனிடம், சீதைக்கு ராமன் யார்? என கேள்வி கேட்டார் உபன்யாசகர். சித்தப்பா என்றாராம் சொற்பொழிவைக் கேட்டவர். வேதனையின் உச்சத்திற்கே போய்விட்டார் உபன்யாசகர்.

இவ்வளவு நேரம் ராமாயணம் சொல்லியும் பலனில்லையே! இருந்தாலும் மற்றவர்கள் மனது புண்படும் அல்லவா! நிலைமையை இப்படி சமாளித்தார். இவர் சொல்வது உங்களுக்கு புரியவில்லை.

சித்தம்+அப்பா என்று அவர் சொல்கிறார். சித்தம் என்றால் மேலும்

குறள் காட்டும் பாதை

2012-03-02T02:05:00.001+01:00

இன்றைய குறள்

களவுஎன்னும் கார் அறிவு ஆண்மை அளவுஎன்னும்

ஆற்றல் புரிந்தார்கண் இல். (287)

பொருள்: களவென்னும் இருள்படர்ந்த அறியாமை, அளவறிந்து வாழும் நன்மக்களிடத்தில் ஒரு போதும் இல்லாததாகும்.

அமுத வாக்கு

2012-03-02T01:02:00.001+01:00

திருமுருக கிருபானந்த வாரியார்

வேண்டாத பரபரப்பு, பயம், அறியாமையில் சிக்கிக்கொண்டு மனிதர்கள் தவிக்கிறார்கள். கடவுளை முழுமையாகச் சரணடைந்தால் நடப்பது எல்லாம் நன்மைக்கே என்ற தெளிவோடு உலகில் வாழ முடியும்.

அடுக்களை அபலைகள்

2012-03-02T00:03:00.002+01:00

ராமகிருஷ்ணன், ஒரு பெரிய கம்பெனியில் தலைமை மேலாள்ராக வேலை செய்து வ்ருகிறான். அவன் மனைவி, ஜானகி, வீடே உலகமாய், கணவனே தெய்வமாய் நினைப்பவள், மிகவும் ஆச்சாரமாய் வளர்க்க பட்டவள், ஆனால் ராமகிருஷ்ணனோ அதற்கு நேரெதிர் ஆச்சார குடும்பத்தில் பிறந்தாலும் மாடர்னாக வளர்க்கப்பட்டவன். அவர்களுக்கு இரு குழந்தைகள், பெண் பத்தாவதும் , பையன் எட்டாவதும் படிக்கிறார்கள்.

சனிக்கிழமை காலை ஐந்து மணி, வழக்கம் போல ஜானகி காலையிலே குளித்து, பள்ளி செல்லும் பிள்ளைகளுக்கு காலை டிபனையும், மதிய உணவையும் தயார் செய்ய அடுக்குளைக்குள் நுழைந்தாள்.

ராமகிருஷ்ணனோ கட்டிலில் உறங்கிக்கொண்டு இருக்க, பிள்ளைகள் சமத்தாக எழுந்து, குளித்து, சீருடை அணிந்து, பள்ளி செல்லும் வேனுக்கு காத்திருக்க...

மணி 7.45 ஆகிவிட்டது.

'ஏண்ணா, இன்னிக்கு மேலும்

நான் பார்த்த மொக்கைப் படங்கள்...

2012-03-01T20:34:00.000+01:00

சினிமா நமது வாழ்வின் அங்கமாகிவிட்ட ஒன்று. ஏதேனும் ஒன்று பற்றி உதாரணம் சொல்ல வேண்டுமென்றாலும் இன்றெல்லாம் சினிமாவைத்தான் உதாரணமாய் காட்டுகிறார்கள். சினிமாவில் பேசப்படும் பிரபல வசனங்கள் தாம் சமீபத்திய பேச்சுகளில் இழையோடுகிறது.

வாழ்வில் மறக்கவே முடியாத சில படங்கள் ஒவ்வொருவருக்கும் இருக்கும், அதற்கான காரணங்கள் பலவாக இருந்தாலும் குறிப்பாய் இரண்டுதானிருக்கும். ஒன்று மிகவும் பிடித்தது, மற்றொன்று ஏனடா இந்த படத்திற்கு வந்தோம் என எண்ணவைத்தது.

இன்றெல்லாம் படத்திற்கு செல்வதற்கு முன் மேலும்

மகாத்மா காந்திக்கு ஞானஸ்நானம்

2012-03-01T13:44:00.000+01:00

மகாத்மா காந்திக்கு அமெரிக்காவில் சால்ட் லேக் நகரில் உள்ள மர்மோன் தேவாலயத்தில் ஞானஸ்நானம் செய்யப்பட்டது தெரிய வந்துள்ளது.

அவர் இறந்து பல ஆண்டுகள் கழித்து கடந்த 1996-ம் ஆண்டு இதை செய்துள்ளனர். இந்த தகவலை அமெரிக்காவில் உள்ள மேலும்

குறள் காட்டும் பாதை

2012-03-01T02:05:00.001+01:00

இன்றைய குறள்

அளவின்கண் நின்றுஒழுகல் ஆற்றார் களவின்கண்

கன்றிய காத லவர். (286)

பொருள்: பிறர் பொருளை அபகரித்தலில் கருத்துக் கொண்டவர்கள், தம் வருவாயின் அளவுக்குத் தகுந்தபடி ஒழுக்கத்தோடு வாழ இயலாதவர்களே ஆவர்.

இன்றைய பழமொழி

2012-03-01T01:02:00.001+01:00

சீனப் பழமொழி

சமையல் மோசமானால் ஒரு நாள் நஷ்டம்,

அறுவடை மோசமானால் ஒரு வருடம் நஷ்டம்,

மணவாழ்க்கை மோசமானால் ஆயுள் முழுவதும் நஷ்டம்.

பொகவண்டி வாத்தியார்...

2012-03-01T00:08:00.000+01:00

பணியிடைவேளையொன்றில் உற்சாகமாய் தேநீர் சூப்பிக்கொண்டிருக்கையில் வந்தது அந்த தொலைபேசி அழைப்பு. செய்தியை கேட்ட மாத்திரத்தில் அனைத்து வகை உற்சாகமும் இடத்தை காலிசெய்திருந்தன. மறுமுனையில் நண்பனொருவன் "மச்சான்... நம்ப கெமிஸ்ட்ரி மாஸ்டர் ஆர்.ப்பி செத்துட்டாருடா.." என்றான். "யாரடா சொல்ற?" என்றதற்கு "நம்ம பொகவண்டி வாத்தியார்தாண்டா.... சாயந்திரம் சீக்கிரம் வந்திரு ஒன்னா போயிரலாம்" என்றான். சுரத்தே இல்லாமல் மீதி தேநீரை உறிஞ்சிக் கொண்டிருந்தேன்.

ஆசிரியர்களுக்கு பட்டப்பெயர் வைப்பது மறக்கவியலா பள்ளிக்கால சந்தோஷங்களில் ஒன்று. அந்தப் பெயரை பரம ரகசியம் போலப் பாதுகாத்துப் பயன்படுத்தினாலும், எப்படியோ கசிந்து மேலும்

நானும் எனது மண்ணும் ...

2012-03-01T00:03:00.002+01:00

நஞ்சை நிலத்தின் நடுநடுவே வட்டமடிக்கும் கொக்குகளுடன் சேர்ந்து நானும் கழனியின் நடுவே களைப்பாறியவன் இன்று பொருளாதாரம் தேடி மாநகர மனித பூச்சிகளுடன் புழுதியில் புரண்டு எரிபொருட்கள் உமிழ்ந்த காற்றை சுவாசித்து கனவுகளை சுமந்து பறந்து கொண்டிருக்கின்றேன். அரியலூர் மாவட்டம் செந்துறை வட்டம் உகந்த நாயகன் குடிக்காடு தான் எனது பிறப்பிடம்.

பொதுவாக அதிக பேருந்து வசதி இல்லாத சிறிய கிராமம், இப்போ கொஞ்சம் பேருந்து நடமாட்டம் உள்ளது. ஊரில் நான்கு மேலும்

குறள் காட்டும் பாதை

2012-02-29T00:06:00.000+01:00

இன்றைய குறள்

அருள்கருதி அன்புடையார் ஆதல் பொருள்கருதிப்

பொச்சாப்புப் பார்ப்பார்கண் இல் (285)

பொருள்: களவாடுவதற்குத் தக்க காலத்தை எதிர்நோக்கி இருப்பவர்களிடம், அருளைக் கருதி அன்புடையவராக இருக்கும் நிலை உண்டாகாது.

அமுத வாக்கு

2012-02-29T00:05:00.000+01:00

புத்தர்

கோபத்தை நயத்தால் வெல்ல வேண்டும்.

தீமையை நன்மையால் வெல்ல வேண்டும்.

கருமியை(கஞ்சனை) ஈகையால்(கொடையால்) வெல்ல வேண்டும்.

பொய்யனை உண்மையால் வெல்ல வேண்டும்.

பாஸ்ட் புட் எச்சரிக்கை

2012-02-29T00:03:00.000+01:00

ஆக்கம்: வினோ ரூபி, சென்னை இந்தியா

பீட்ஸா, பர்கர், உள்ளிட்ட பாஸ்ட் புட் எனப்படும் நொருக்குதீனிகளை உட்கொள்ளும் சிறுவர்களின் மூளையில் பாதிப்பு ஏற்படும் என சமீபத்தில் நடத்தப்பட்ட ஆய்வில் தெரியவந்துள்ளது.

இந்த நொறுக்குத் தீனிகளில் உள்ள டிரான்ஸ் ஃபேட் எனப்படும் கொழுப்பே இதற்கு காரணம் என்று ஆய்வு எச்சரித்துள்ளது.

டிரான்ஸ் பேட் கொழுப்பு: தினசரி உணவில் 2 கிராம் டிரான்ஸ் பேட் போதுமானது. இங்கிலாந்தில் ஆக்ஸ்போர்டு பல்கலைக்கழகத்தின் விஞ்ஞானிகள் நடத்திய ஆய்வில் டிரான்ஸ் பேட் எனப்படும் கொழுப்பு அதிகமுள்ள கேக், பீட்சா, பர்கர், சாக்கோ டிரிங்க், சிப்ஸ், கேண்டி ஆகியவற்றை அதிகம் சாப்பிடும் இளைஞர்களுக்கு உயிரணு எண்ணிக்கை பாதிக்கலாம் என்று எச்சரிக்கப்பட்டுள்ளது.

சிறுவர்களுக்கு எச்சரிக்கை: இதேபோல் ஜங்க் புட் அதிகம் உட்கொள்ளும் சிறுவர்களின் மூளையில் பாதிப்பு ஏற்படும் என்று ஆய்வாளர்கள் எச்சரிக்கை விடுத்துள்ளனர்.

சரிவிகித உணவு உட்கொள்ளும் குழந்தைகளை விட ஜங்க் புட் உட்கொள்ளும் குழந்தைகளில் மூளை வளர்சி விகிதம் பாதிக்கும் அறிவியலாளர்கள் எச்சரித்துள்ளனர்.

அவுஸ்திரேலியாவில் 14 வயதிற்கு மேற்பட்ட சிறுவர்களிடம் நடத்தப்பட்ட ஆய்வில் இந்த உண்மை கண்டறியப்பட்டுள்ளது.

எனவே குழந்தைகளுக்கு நொறுக்குத் தீனிகள், பாக்கெட் சிப்ஸ் போன்றவைகளை வழங்குவதை தவிர்த்து காய்கறிகள், பழங்கள், சத்தான பயறுவகைகளை உணவாக வழங்கவேண்டும் என்பதே ஆய்வாளர்களின் அறிவுரை.

இந்தியாவில் வினோத கிராமம்

2012-02-29T00:02:00.000+01:00

உத்தர பிரதேசத்தில் உள்ள ஒரு கிராமத்தில் பெண்களுக்கு இது நாள் வரை ஓட்டு போட உரிமை அளிக்கப்படாமல் உள்ளது.

உத்தர பிரதேசத்தில் ஏழு கட்டமாக சட்டசபைத் தேர்தல் நடக்கிறது. பிரதமர் உள்ளிட்ட தலைவர்கள இந்த தேர்தல் தொடர்பாக பிரசாரம் செய்துள்ளனர். தேர்தல் விதிமுறைகள் கடுமையாக பின்பற்றப்பட்டு வருகின்றன. ஓட்டு போடுவது ஜனநாயகக் கடமை என கூறப்பட்டு வரும் நிலையில் இந்த மாநிலத்தின் லக்கிம்பூர் கெரி மாவட்டத்தின் செருவா கிராமத்தில் பெண்கள் ஓட்டளிக்க அனுமதிக்கப்படாத நிலை காணப்படுகிறது. சுதந்திரம் அடைந்த நாள் முதல் இந்த கிராமத்தில் தேர்தல் நடைபெறும் போதெல்லாம் பெண்களை ஓட்டு போட அனுமதிப்பதில்லை.

இந்த வினோத நடவடிக்கை குறித்து கிராம பெரியவர் நசீர் கானிடம் கேட்ட போது மேலும்

சொத்துகளுக்கு பத்திரப் பதிவு மட்டும் இனி செல்லாது வருவாய் துறையில் பட்டா பெறுவது அவசியம்

2012-02-29T00:01:00.001+01:00

பலரும் சொத்துகளை வாங்கும்போது, அதை பத்திர பதிவு அலுவலகத்தில் பதிவு செய்து அதற்கான பத்திரத்தை வாங்கி வைத்து கொள்கின்றனர். தங்களது சொத்து பத்திரமாக உள்ளதாக கருதுகின்றனர். ஆனால், சொத்து வாங்குவதில் முதல் படி தான், பதிவு பதிவு செய்தல் அந்த சொத்தை வருவாய் துறையில் பதிவு செய்து, பட்டா பெற்றால் மட்டுமே, அது முழுமையாக மேலும்

குறள் காட்டும் பாதை

2012-02-28T02:05:00.001+01:00

இன்றைய குறள்

களவின்கண் கன்றிய காதல் விளைவின்கண்

வீயா விழுமம் தரும். (284)

பொருள்: களவு செய்வதில் உண்டாகும் மிகுந்த விருப்பம், பயன் விளையும்போது அகலாத வருத்தத்தை அளிக்கும்.

இன்றைய பழமொழி

2012-02-28T01:02:00.001+01:00

இந்தியப் பழமொழி

பணிவற்ற மனைவி பகைவருக்கு ஈடானவள். அவளால் ஏற்படும் இழப்புகளுக்கும் அளவே கிடையாது.

நாடுகாண் பயணம் - பாரோயே தீவுகள்

2012-02-28T00:03:00.003+01:00

தீவுக் கூட்டங்களின் பெயர்:
பாரோயே தீவுகள்(Faroe Islands)
*'பாரோயே தீவுகள்' என்பது ஆங்கில உச்சரிப்பாகும். தமிழில் 'பரோயே தீவுகள்' எனவும் உச்சரிக்கப் படுகிறது. டென்மார்க்கின் தேசிய மொழியாகிய டேனிஷ் மொழியில் 'பெயா ஊயென'(Færeøerne) எனவும், பாரோயே தீவுகளின் ஆட்சி மொழிகளில் ஒன்றான 'பெயா ஊஸ்க்' மொழியில் 'போரூயர்(Føroyar) எனவும் அழைக்கப் படுகிறது.

அமைவிடம்:
மேற்கு ஐரோப்பாவில் வட அத்திலாந்திக் சமுத்திரத்தில் உள்ள நோர்வீஜியக் கடலில்/ஸ்கன்டிநேவியாவில் உள்ளது.

ஆட்சி இறைமையைக் கொண்டுள்ள நாடு:
டென்மார்க்

தீவுகளின் சர்வதேச அரசியல் தகுதி:
டென்மார்க் நாட்டின் கடல் கடந்த ஆட்சிப் பிரதேசம்.

எல்லைகள்:
தீவுகள் என்பதால் நான்கு பக்கமும் வட அத்திலாந்திக் சமுத்திரம்(நோர்வீஜியக் கடல்), இருப்பினும் கடலுக்கு அப்பால் உள்ள நாடுகளாக வட மேற்கில் ஐஸ்லாந்தும், தெற்கில் பிரித்தானியாவின் ஸ்கொட்லாந்தும் உள்ளன.

தலைநகரம்:
டோர்ஸ்ஹாவ்ன்(Torshavn)

அலுவலக மொழிகள்:
பெயாஊஸ்க்(Faroese), டேனிஷ்(டென்மார்க்கின் தேசிய மொழி)

இனங்கள்:
பெயா ஊரர்கள் 91%
டேனிஷ் இனத்தவர்(டென்மார்க் நாட்டு வம்சாவளியினர்) 5,8%
பிரித்தானியர் 0,7%
ஐஸ்லாந்துக் காரர்கள் 0,4%
நோர்வீஜியர்கள் 0,2%
போலந்து இனத்தவர் 0,2%

அரசாங்க முறை:
சம்பிரதாய பூர்வமான அரசியின் ஆட்சிக்குட்பட்ட பாராளுமன்ற ஜனநாயக ஆட்சி.

நாட்டின் தலைவி:
இரண்டாவது மார்கிரெத(டென்மார்க் அரசி)

டென்மார்க்கின் தூதுவர்/உயர் ஸ்தானிகர்:
டன் எம்.குனுட்சன் (Dan M.Knudsen) *இவர் மேற்படி தீவுகளில் டென்மார்க் அரசியின் பிரதிநிதியாகப் பதவி வகிப்பதுடன், ஒவ்வொரு வருடமும் இத் தீவு மக்களின் வாழக்கை நிலவரம் பற்றி டென்மார்க் பிரதமருக்கு அறிக்கை ஒன்றைச் சமர்ப்பிப்பார். இது 28.02.2012 அன்று உள்ள நிலவரம் ஆகும்.

தீவுகளின் பிரதமர்:
காய் லியோ ஜொஹன்னெஸ்சன்(Kaj Leo Johannesen) *இது 28.02.2012 அன்று உள்ள நிலவரம் ஆகும்.

நோர்வேயுடன் இணைக்கப்பட்ட ஆண்டு:
கி.பி.1035

டென்மார்க்குடன் சேர்த்துக் கொள்ளப்பட்ட தேதி:
14.01.1814

சுயாட்சி பெற்ற தேதி:
01.04.1948

பரப்பளவு:
1,399 சதுர கிலோ மீட்டர்கள்.

சனத்தொகை:
49,267 (2011 மதிப்பீடு)

நாணயம்:
பாரோயே தீவுகளின் குரோனா (Faroese Krona)
*இது டேனிஷ் நாணயத்திற்கு இணையான பெறுமதி கொண்டதும், டேனிஷ் மத்திய வங்கியால் வெளியிடப் படுவதும் ஆகும்.

இணையத் தளக் குறியீடு:
.fo

சர்வதேசத் தொலைபேசிக் குறியீடு:
00 + 298

இயற்கை வளங்கள்:
மீன்கள், திமிங்கிலம், நீர் மின்சாரம், சிறிய அளவில் பெற்றோலியம் மற்றும் எரிவாயு.

தீவுகளைப் பற்றிய சிறு குறிப்புகள்:

முழுமையான சுயாட்சி பெற்ற ஆனால் டென்மார்க் இராச்சியத்தின் ஆட்சிக்குள் தங்கியிருக்கும் சுயாட்சிப் பிரதேசம்.
இத் தீவுகளுக்கு என ஒரு பாராளுமன்றம்(தீவு மக்களின் மொழியில் 'லொக்டிங்' Logting என அழைக்கப் படுகிறது) உள்ளது. இருப்பினும் இப் பாராளுமன்றம் தீவின் உள்ளக விவகாரங்களில் மட்டுமே முடிவுகள் எடுக்கும் வல்லமை கொண்டது. ஒவ்வொரு தடவையும் டென்மார்க் பாராளுமன்றத்திற்குத் தேர்தல் நடைபெறும்போது இத் தீவுகளின் சார்பாக மொத்தம் 2 பாராளுமன்ற உறுப்பினர்கள் இத் தீவு மக்களால் தெரிவு செய்யப் படுகின்றனர்.
நீதித்துறை(காவல்துறை உட்பட), பாதுகாப்பு, மற்றும் வெளியுறவுத் துறை ஆகியன டென்மார்க் நாட்டின் வசம் உள்ளன. ஏனைய துறைகளில் இத் தீவு மக்களும், அவர்களது பாராளுமன்றமும் சுயமாக முடிவுகளை எடுப்பர்.
முழுமையான சுயாட்சிப் பிரதேசமாக இருந்தாலும் டென்மார்க் நாட்டின் ஒரு பகுதியாக இருப்பதால் இத் தீவிற்கென ஐரோப்பிய ஒன்றியத்தில் தனியான உறுப்புரிமை கிடையாது.

தொடரும்

உலகின் மிக குள்ளமான மனிதர்

2012-02-27T21:59:00.000+01:00

உலகின் மிக குள்ளமான நபராக நேபாளத்தை சேர்ந்த சந்திர பகதூர் டாங்கி(72) என்பவர் கின்னஸ் புத்தகத்தில் இடம் பெற்றுள்ளார்.

பிலிப்பைன்சை சேர்ந்த ஜூன்ரி பலாவிங் என்பவர் தான் இதுவரை உலகின் மிக குள்ளமான மனிதராக அறிவிக்கப்பட்டவர். இவரின் உயரம் 59.9 செ.மீ மட்டுமே. இந்நிலையில் பலாவிங்கை விட 5.3 செ.மீ உயரம் குறைவான அதாவது மேலும்

குறள் காட்டும் பாதை

2012-02-27T00:10:00.001+01:00

இன்றைய குறள்

களவினால் ஆகிய ஆக்கம் அளவுஇறந்து

ஆவது போலக் கெடும். (283)

பொருள்: களவால் வரும் பிறர் செல்வம் பெருகுவது போல் தோன்றி, கடைசியில் உள்ளதையும் சேர்த்து அழித்து விடும்.

இன்றைய பொன்மொழி

2012-02-27T00:10:00.000+01:00

புத்தர்

சொன்ன சொல், விடுபட்ட அம்பு, கடந்துபோன வாழ்க்கை, நழுவ விட்ட சந்தர்ப்பம் ஆகிய நான்கும் மீண்டும் திரும்பி வராது. இக்கணத்தில் நன்றாக வாழ். நல்லவனாக வாழ்.

பல் ஈறுகளில் வலியா?

2012-02-27T00:08:00.001+01:00

சிலருக்கு பல் துலக்கும்போது பல் ஈறுகளில் இருந்து ரத்தம் கசியும். வலியும் இருக்கும். இப்படிப்பட்டவர்கள் உடனே பல் டாக்டரை பார்த்து சிகிச்சை பெறுவதுதான் நல்லது.

ஈறுகளிலும் அவற்றின் அடியில் இருக்கும் எலும்புகளிலும் தொற்று நோய்க் கிருமிகளின் தாக்குதல் இருந்தால், பற்கள் உறுதி இழந்து விழுந்து விடும்.

அதனால் பல் துலக்கும்போது ஈறுகளில் ரத்தம் வரும். சில நேரங்களில் மேலும்

நிர்வாணம்

2012-02-27T00:03:00.000+01:00

ஆக்கம்: வேதா இலங்காதிலகம், டென்மார்க்

வாழ்க்கையெனும் மனித நந்தவனத்தில் அன்பு, பாசம், நேசம் என்பவை இதமான தென்றல் போன்றது. மயிலிறகு கொண்டு மனதை வருடி மயங்க வைக்கும் இனிய உணர்வைத் தருகிறது. அன்பு இப்படியானால்…

கோபம் பிரளயமானது, துன்பமானது, வேதனை தருவது.
கோபம் ஒரு செய்தி.
கோபமடையும் போது சொல்வதைக் கேட்கின்றனர். கோபம் உலகத்தின் பெறுமதியையும் அனுபவத்தையும் எடுத்துக் கூறுகிறது. ஆனால் கடும் கோபம் என்ற உணர்வு மிகவும் ஆபத்தானது.

சாதாரண கோபத்தினால் உருவாகும் எரிச்சல் பரவும் தன்மையது. அழிக்கும் திறனுடையது. கோபமடையும் போது மனிதர் தம்முடனான தொடர்பை இழக்கின்றனர். தம்மை மறக்கின்றனர். சூழ்நிலையையும் மறக்கின்றனர். கோபம் கொண்ட மனிதரையும் மறக்கின்றனர்.
அன்பு, நேசம், காதல் மட்டும் உணர்வு பூர்வமான இணைப்பை உலகில் தருவதன்று.
கோபமும் ஒரு தொடர்பு வழி ஆர்வமே. கோபமும் மனிதரை ஒருவருடன் ஒருவரை இணைக்கிறது.

ஒரு குறிக்கோள் கொண்டு தான் கோபம் உருவாகிறது.
நமக்குத் தெரிகிறது, ஏன் எவர் மீது கோபமடைகிறோம் என்று.
ஒருவருடன் நமக்குக் கோபம் வருவதில்லையானால், அவரது இன்ப துன்பங்களில் பங்கு போட நாம் விரும்பவில்லையெனலாம், அல்லது அவைகளில் பங்கு பெறும் அக்கறை நமக்கு இல்லை யென்றாகிறது.

மகிழ்ச்சி, அன்பு, ஆதரவு, தேறுதல், புகழ் என்பவையுடன் மட்டுமே நாம் வளர்க்கப் பட்டிருந்தால், நாம் நிதானமற்றவராக, இரக்கமற்றவராக இருப்போம்.
ஒரு எண்ணத்தை பிறர் ஏற்றுக் கொள்ளும் மனநிலையைக் கொண்டு வரவைக்கும் முயற்சி கோபமாகிறது.
மனக் கட்டுப் பாடுடைய கோபம் நீண்ட நேரம் நிலைப்பதில்லை.

கோபம் நம்மைக் காட்டிக் கொடுக்கிறது. நமது எல்லையை அடையாளம் காட்டுகிறது. மாற்றத்தைக் கொண்டு வருகிறது.
இவ்வுணர்வை நாம் காட்டாவிடில், திருப்தியின்றி, மனக் கசப்புடன் நாம் நிற்போம். இது மிகச் சிரமமானது.

கோபத்தை வெளிப் படுத்த வேண்டும்.
அது கசப்புணர்வாகி,உடலில் முடிச்சுகளாகிப், பெரிதாக வெடித்து கரடு முரடாக முதல், அதை வெளிப் படுத்துதல் ஆறுதலாகிறது.

ஒரு வகையில் கோபமும், காமமும் சமமானது.

மனிதரை அது நிர்வாணமாக்குகிறது.

கோபம் கொள்ளல் மகிழ்வுத்
தீபம் அழிக்கும், பிறர்
சாபம் நிறைத்து- மன
சாந்தி அளிக்கும்.

"ஐ லவ் யூ மம்மி"

2012-02-26T23:24:00.000+01:00

வீட்டுக்குள் நுழைந்த தாய்க்கு கோபம் தலைக்கேறியது. ஹால் முழுக்க வண்ண வண்ண காகிதங்கள், ரிப்பங்கள் சிதறி கிடக்கின்றன. எல்லாம் தன் ஆறு வயது மகனுடைய வேலை என்பது அவளுக்குத் தெரியும். அதற்குள் மகனே வந்து விட்டான். அம்மா இது உனக்காக நான் செஞ்சது என்று ஒரு அழகான பேட்டியை காட்டினான். என்னடா இது? என கோபமாய் கேட்டால் அம்மா. என்னோட பரிசு, பிரிச்சு பாருங்கம்மா, தாய் பிரித்தாள். உள்ளே மேலும்

குறள் காட்டும் பாதை

2012-02-26T02:05:00.001+01:00

இன்றைய குறள்

உள்ளத்தால் உள்ளலும் தீதே; பிறன்பொருளை

கள்ளத்தால் களவேம் எனல். (282)

பொருள்: குற்றமான செயல்களை மனத்தால் நினைப்பதும் பாவம்; ஆதலால் பிறன் பொருளை அவனுக்குத் தெரியாமல் வஞ்சனையால் கவர்ந்து கொள்வோம் என்று நினைத்தலும் கூடாது.

இன்றைய பழமொழி

2012-02-26T01:02:00.004+01:00

ஸ்பானியப் பழமொழி

அன்னையின் அன்பிற்கு வயதே கிடையாது. ஆனால் இதை உணர்ந்து கொள்வதற்குள் நமக்கு வயதாகி விடுகிறது.

தங்க மீன் ரகசியம்!

2012-02-26T00:03:00.002+01:00

ஆக்கம்: வினோ ரூபி, சென்னை இந்தியா

ஆரோக்கிய உணவு வகையில் இடம்பெறும் முக்கிய உணவுப் பொருள் மீன். அதில் உள்ள புரதம் மற்றும் கொழுப்புச் சத்துக்கள் மனிதனுக்கு பலவகைகளில் நன்மை தரக்கூடியது.

குறிப்பாக சிறந்த கண் பார்வைக்கும், சருமத்தின் பொலிவுக்கும் மீன் உணவு உதவும். தற்போது கூடுதலாக நரம்பு மண்டலத்தின் உறுதிக்கும் மீன் அத்தியாவசியமானது என்று தெரியவந்துள்ளது.

அனைத்து வகை மீன்களிலும் ஒமேகா-3 என்ற கொழுப்புசத்து உண்டு. இந்தக் கொழுப்புச்சத்தில் இரண்டு வகை இருப்பது தற்போது தெளிவுபடுத்தப்பட்டு உள்ளது. இவற்றுக்கு டி.எச்.ஏ, இ.பி.ஏ. என்று பெயரிட்டு உள்ளனர்.

ஒமேகா-3 குறைபாடு ஏற்பட்டால் இதயவியாதி, நினைவுத்திறன் குறைபாடு, பைபோலார் எனப்படும் நரம்புத்தளர்ச்சி நோய் போன்ற பல பாதிப்புகள் ஏற்படும். தற்போது ஒமேகா-3ன் உட்பிரிவுகளும் கண்டுபிடிக்கப்பட்டு இருப்பதால் அந்தந்த வியாதியோடு தொடர்புடைய சத்துக்குறைவு தெளிவாகி இருக்கிறது.

இ.பி.ஏ. என்ற வேதிப்பொருள் மூளையுடன் சம்பந்தப்பட்டது. எனவே நினைவுத்திறனில் பாதிப்பு வருவதற்கு இ.பி.ஏ குறைபாடும் ஒரு காரணம். அதேபோல் இரு ரசாயனங்களும் நரம்புகளை சுற்றி இருக்கும் கொழுப்புபடலமாக இருப்பதால் நரம்பு மண்டல உறுதிக்கும் அவை காரணமாக இருக்கிறது.

எனவே தேவையான அளவு மீன் உணவு சாப்பிட்டு ஒமேகா-3 அளவை கட்டுக்குள் வைத்திருந்தால் நரம்பு மண்டலம் உறுதி பெறும்.

நரம்பு மண்டலம் பலப்பட்டால் உடலும் உறுதிபெறும் என்பது உண்மை. ஆய்வாளர் நார்மன் சலீம் கூறும் போது, கொழுப்பு கெட்டது என்ற எண்ணத்தை மாற்றக்கூடியது ஒமேகா-3. எல்லோரது உணவிலும் டி.எச்.ஏ சீராக கலந்திருப்பது உடல்நலத்துக்கு சிறந்தது என்றார்.

நமக்கு நாமே விருது கொடுத்து மகிழலாம்

2012-02-25T23:56:00.000+01:00

எல்லோருக்கும் வணக்கமுங்க, எல்லாரும் நல்லா இருக்கீங்களா? பதிவின் தலைப்பினைப் பார்த்திட்டு பல பேரு உணர்ச்சி வசப்பட்டிருப்பாங்க. எல்லோரும் கூல் டவுண். வெளியே என்ன எழுதி இருக்கு என்று முடிவு பண்ணிக்க முன்னாடி, பதிவினைப் படித்து, பதிவில் என்ன எழுதி இருக்கு என்பதனை படிச்ச பின்னாடி நிச்சயமா உங்களின் கோபம், ஆத்திரம் எல்லாம் காணாமற் போயிடுமுங்க. இப் பதிவானது தனக்கு தானே விருது வழங்கி மகிழும் பதிவர்களை மையப்படுத்தி எழுதப்பட்டிருக்கிறது. ஒத்தப் பதிவினூடாக மொத்த ஹிட்சையும் அள்ளுவது எப்படி எனும் தொடரின் ஏழாவது பாகமாக இப் பதிவு உங்களை நாடி வருகின்றது. இப் பதிவின் ஏனைய பாகங்களைப் படிக்க கீழே உள்ள மேலும்

2 கோடி வைர நகைகளுடன் உடல் அடக்கம்

2012-02-25T23:19:00.000+01:00

அமெரிக்காவின் பிரபல பாப் பாடகி விட்னி ஹீஸ்டன் (47). கடந்த சில நாட்களுக்கு முன்பு லாஸ் ஏஞ்சல்ஸ் நகரில் உள்ள ஒரு ஓட்டலில் தண்ணீர் தொட்டிக்குள் விழுந்து மர்மமான முறையில் இறந்து கிடந்தார். உடல் நியூஜெர்சியில் உள்ள அவரது சொந்த ஊரான நீவார்க்கில் அடக்கம் செய்யப்பட்டது.

அப்போது அவர் விரும்பி அணியும் கருஞ்சிவப்பு நிற கவுன் உடை அணிவிக்கப்பட்டிருந்தது. அது தவிர அவர் விரும்பி மேலும்

குறள் காட்டும் பாதை

2012-02-25T00:45:00.001+01:00

இன்றைய குறள்

எள்ளாமை வேண்டுவான் என்பான் எனைத்துஒன்றும்

கள்ளாமை காக்கதன் நெஞ்சு (281)

பொருள்: பிறரிடம் பழிச்சொல் கேட்காமல் உலகில் வாழ விரும்புகிறவன், பிறர் பொருளைக் கவரும் எண்ணம் உள்ளத்தில் தோன்றாதவாறு தன்னைக் காத்துக் கொள்ள வேண்டும்.

இன்றைய பொன்மொழி

2012-02-25T00:45:00.000+01:00

மூத்தோர் சொல்

ஒருவர் உன்னை உயர்த்திப் பேசும்போது விழிப்போடு இரு. ஒருவர் உன்னைத் தாழ்த்திப் பேசும்போது ஊமையாய் இரு. எவரேனும் உன்னை அதிகமாய்ப் புகழும்போதும் செவிடனாய் இரு. எளிதில் வெற்றி பெறலாம்.

தாரமும் குருவும் பகுதி - 6.4

2012-02-25T00:44:00.002+01:00

ஆக்கம்:இ.சொ.லிங்கதாசன்

பகுதி 6.4

அல்லைப்பிட்டி 1977

நீங்கள் செய்கின்ற 'பூமித் தாயைச் சூடாக்குகின்ற' கெடுதலான செயலைக் குறைப்பதற்கு ஏராளமான வாய்ப்புக்கள் உங்கள் கைளில் உள்ளன.நீங்களும் நானும் செய்யும் ஒவ்வொரு செயலையும் சிந்தித்துச் செய்தால் பூமித் தாயை அழிவிலிருந்து காப்பாற்ற முடியும்.
பூமி வெப்பமடைவதால் ஏற்படும் கேடுகளில் 'தீவுகளின் அழிவு' முக்கியமாகக் கருத்தில் கொள்ள வேண்டியது என இரண்டு வாரங்களுக்கு முன்னர் பார்த்தோம். இன்னுமொரு கேட்டைப் பற்றியும் குறிப்பிட்டே ஆக வேண்டும். இந்தப் பூமியையும், ஏனைய கோள்களாகிய சூரியன், சந்திரன் ஆகியவற்றையும் படைத்த இயற்கை அன்னை இந்தப் பூமியில் வாழப் போகின்ற உயிரினங்களின் நன்மை கருதி, அவைகள் சூரிய வெப்பத்தினால் அதிகம் பாதிக்கப் படாமல் இருக்க வேண்டும் என்ற உயர்ந்த நோக்கில் பூமியில் வாழப் போகும் அத்தனை ஜீவராசிகளுக்காகவும் ஒரு 'குடையை' விரித்து வைத்தாள். என்ன, குடையா? என்று ஆச்சரியப் படுகிறீர்களா? ஆம் அதை விஞ்ஞானிகள் 'குடை' என்றுதான் அழைக்கிறார்கள்.

இயற்கை அன்னை தந்த குடை

பூமியின் வயது பல கோடி ஆண்டுகள் என்கின்றனர் விஞ்ஞானிகள். பூமி எப்போது உருவாகியது எனபது உங்களுக்கும் எனக்கும் திட்டவட்டமாகத் தெரியாததால் விஞ்ஞானிகளின் கூற்றை மறு பேச்சில்லாமல் ஏற்றுக் கொள்வோம். இந்தப் பூமி உருவாகியபோது இயற்கையானது சூரியனின் கடும் வெப்பம் இந்தப் பூமியை நேரடியாக வந்து தாக்காமல் இருப்பதற்காக ஒரு 'பாதுகாப்பு' ஏற்பாட்டைச் செய்தது. அதன் பெயர் ஓசோன் படலம் அல்லது ஓசோன் படை (Ozone Layer) என்பதாகும். இதன் பணி யாதெனில் சூரியனில் இருந்து புறப்படும் வெப்பக் கதிர்கள் நேரடியாகப் பூமியை வந்தடையா வண்ணம் காப்பது ஆகும். இவ்வாறு சூரியனின் வெப்பக் கதிர்கள் நேரடியாகப் பூமியை வந்தடையுமானால் நாமும் பூமியில் உள்ள ஏனைய உயிரினங்களும், செடி கொடிகளும்,மரங்களும் பொசுங்கி, வெந்து சாக வேண்டிய நிலை ஏற்படும். இதனைக் கருத்திற் கொண்டே இயற்கை அன்னை எமக்காக மேற்படி 'ஓசோன் படலம்' எனும் குடையை விரித்து வைத்தாள். மனிதர்களாகிய நாம் இயற்கை அன்னை எமக்காகப் படைத்தருளிய இந்தப் போற்றுதலுக்குரிய 'குடைக்காக' அவளின் பாதங்களில் வீழ்ந்து வணங்கி, அவளுக்கு நாம் நன்றியுடையவர்களாக இருக்க வேண்டாமா? ஆனால் இந்த நன்றிகெட்ட மனித இனம் என்ன செய்தது தெரியுமா? இயற்கைத் தாய் எமக்குப் பரிசளித்த அந்தக் குடையின் மீது பல ஓட்டைகளை ஏற்படுத்தி விட்டது. ஆம், பூமியின் பல இடங்களில் மேற்படி ஓசோன் படலத்தில் ஓட்டை விழுந்து விட்டது. அதனால் மேற்படி ஓட்டை விழுந்த பகுதியில் உள்ள நாடுகளில் சூரிய ஒளி+வெப்பம் மக்களை நேரடியாகத் தாக்குகிறது. இதனால் அவர்கள் வெந்து மடிவது மட்டுமன்றி, அவர்களின் தோலைச் சூரிய வெப்பம் மற்றும் ஊதாக் கதிர்கள் தாக்குவதால் அவர்கள் 'தோல் புற்று நோய்க்கும்' ஆளாகின்றனர்.

யார் காரணம்?

விஞ்ஞானிகளைக் கேட்டால் "நாம் அனைவருமே காரணம்" என்கின்றனர். ஆனால் குறிப்பிட்டுச் சொன்னால், எந்தெந்த நாடுகளில் அதிக புகையை வெளியிடும் தொழிற்சாலைகள் உள்ளனவோ, எந்தெந்த நாடுகளில் வாகனங்கள் அதிகமோ அத்தனை நாடுகளும் இந்த இயற்கைச் சீரழிவுக்குப் பொறுப்பு ஆகின்றனர். ஓசோன் படலத்தில் ஓட்டை ஏற்படுவதற்கு பூமில் ஏற்படும் வெப்பம் ஒரு காரணமாக இருந்தாலும், பூமியில் இருந்து மேலெழுந்து செல்லும் 'கரி அமில வாயு'(Carbon Dioxide) பிரதான காரணமாக அமைகிறது. ஆகவே கரியமில வாயுவை அதிகம் வெளியேற்றும் நாடுகள் இதற்குப் பொறுப்பாகின்றன. அது மாத்திரமன்றி சொந்தமாக வாகனம் வைத்திருக்கும் அனைவருமே இந்த இயற்கையை அழிக்கும் செயலுக்குத் துணை போகின்றனர். புலம்பெயர் தேசங்களில் வாழ்கின்ற வாசகர்களில் சொந்தமாக வாகனம் வைத்திருப்போர் உங்கள் வாகனங்களைப் பழுது பார்ப்பதற்காக ஒப்படைத்து, அதனைத் திரும்பப் பெறும்போது செலுத்தும் கட்டணமாக இருந்தாலென்ன, உங்கள் வாகனங்களிற்கு புதிய உதிரிப் பாகங்கள்(டயர் உட்பட) பொருத்தும்போது செலுத்தும் கட்டணமாக இருந்தாலென்ன நீங்கள் செலுத்தும் கட்டணத்தில் 10% வரை(environmental charge) இந்த இயற்கையை, பூமித் தாயைச் சேதப்படுத்தியமைக்காகச் செலுத்தும் 'தண்டத் தொகை'(குற்றப் பணம்) என்பதை அறிவீர்களா?
இந்த ஓசோன் படலத்தில் ஏற்படும் ஓட்டை விடயத்தில் இன்னுமொரு விசித்திரம் கலந்திருக்கிறது. நீங்கள் வெளியேற்றும் கரியமில வாயு உங்கள் நாட்டின் மேல் உள்ள ஓசோன் 'குடையில்' ஓட்டையை ஏற்படுத்தாது. மாறாக பல்லாயிரக் கணக்கான கிலோ மீட்டர்கள் தொலைவில் இருக்கும் நாடுகளின் மேல் உள்ள ஓசோன் படலத்தின் மீது ஓட்டையை ஏற்படுத்துகிறது. உதாரணமாக சீனாவின் தொழிற்சாலைகளில் இருந்து வெளியாகும் புகை,கரியமில வாயு அவுஸ்திரேலியா மற்றும் நியூசிலாந்து நாடுகளுக்கு மேலே உள்ள ஓசோன் படலத்தில் ஓட்டையை ஏற்படுத்துகிறது. ஐரோப்பியத் தொழிற்சாலைகளில் இருந்து வெளியாகும் கரியமில வாயு தென் அமெரிக்க நாடுகளாகிய பிரேசில், ஆர்ஜென்டீனா, சிலி ஆகிய நாடுகளின் மேல் காணப்படும் ஓசோன் படலத்தில் ஓட்டையை ஏற்படுத்துகின்றன. யாரோ செய்த பழிக்கு யாரோ தண்டனை அனுபவிக்க வேண்டும் என்பது இயற்கை அன்னையின் வித்தியாசமான தீர்ப்பாகத் தோன்றுகிறதா?
இயற்கையை சீரழிக்கும் பல எதிரிகளில் முதன்மையான காரணிகளைப் பார்த்து வருகிறோம். இவற்றில் அடுத்த நூற்றாண்டில் மிகப் பெரிய சவாலாகத் திகழப் போவது 'பிளாஸ்டிக்' ஆகும். இன்று மனிதனின் நாளாந்த வாழ்க்கையோடு பின்னிப் பிணைந்து விட்ட, நீக்கமற நிறைந்திருக்கும் ஒரு சக்தியாக விளங்கும் இந்தப் பிளாஸ்டிக் நாளை எமது இயற்கை அன்னையை அழித்தொழிக்கப் புறப்பட்டிருக்கும் ஒரு 'புதிய எதிரி' என்பது அறிவீர்களா?

பிளாஸ்டிக் என்றால் என்ன?

நாம் அன்றாடம் உபயோகிக்கும் பாத்திரங்கள் தொடக்கம், கைத்தொலைபேசி, கணணி, வாகன உதிரிப் பாகம் வரை ஆயிரக் கணக்கான பொருட்கள் பிளாஸ்டிக்கால் ஆனவை. சரி, நீட்டி முழக்காமல் விடயத்திற்கு வருகிறேன். 'பிளாஸ்டிக்' என்பதே பெற்றோலியம் மற்றும் ரப்பர்க் கழிவுகளின் 'கூட்டமைப்பு' ஆகும். பெரும்பாலான மென்மையான பிளாஸ்டிக் கலவைகள் மற்றும் மூலப் பொருட்கள் யாவுமே பெற்றோலியக் கழிவிலிருந்து உருவாக்கப் படுகின்றது.

உங்களை விட ஆயுசு கெட்டி.
இந்தப் பூமியை அழித்தொழிக்கக் காத்திருக்கும் பிளாஸ்டிக் தொடக்கம் பல மூலப் பொருட்கள் நம்மை விட ஆயுள் கூடியவை என்பது நீங்கள் அறிந்தது. ஒழுங்கான முறையில் அகற்றப் படாமல் மண்ணில் வீசப்படும் ஒவ்வொரு பொருளும் மண்ணில் சிதைவடைந்து மண்ணோடு மண்ணாக உக்கிப் போவதற்கு/மட்கிப் போவதற்கு எடுக்கும் காலப் பகுதியை கீழே உள்ள பட்டியலில் காண்க.

வாழைப்பழத் தோல் மற்றும் தோடம் பழத்(ஆரஞ்சுப் பழம்) தோல்: 3 தொடக்கம் 6 வாரங்கள்
காகிதத்தால்(பேப்பர்) தயாரிக்கப் பட்ட பை மற்றும் செய்தித் தாள்(News Paper): 4 தொடக்கம் 6 வாரங்கள்
அட்டைப் பெட்டி(Hard Board): 8 வாரங்கள்
கம்பளிக் காலுறை(Socks): 1 வருடம்
சிகரெட்டின் பின்பகுதியில் இருக்கும் பஞ்சு (filter): 1 தொடக்கம் 50 வருடங்கள்.
கடையில் பொருட்கள் வாங்கப் பயன்படுத்தப் படும் பிளாஸ்டிக் பைகள்: 20 தொடக்கம் 100 வருடங்கள்.
தகரத்தால்(tin) செய்யப்பட்ட குளிர்பான, மதுபான டின்கள்: 50 வருடங்கள்.
அலுமினியத்தால் தயாரிக்கப் பட்ட குளிர்பான மற்றும் மதுபான டின்கள்: 200 தொடக்கம் 500 வருடங்கள்.
பிளாஸ்டிக்கால் செய்யப்பட்ட குளிர்பானப் பாட்டில்கள்(போத்தல்கள்): 450 வருடங்கள் மற்றும் அவற்றின் மூடிகள் 800 வருடங்கள் வரை.
பிளாஸ்டிக்கால் செய்யப்பட்ட தண்ணீர்ப் பாட்டில்கள்: 450 தொடக்கம் 1000 வருடங்கள்.
குழந்தைகளின் கழிவு வெளியேற்றத்திற்குப் பயன்படுத்தப் படும் சுகாதார நப்கின்கள் (Diapers): 550 வருடங்கள்.
பிளாஸ்டிக்கினால் ஆன தேநீர்க் கோப்பைகள் மற்றும் பிளாஸ்டிக் பாத்திரங்கள்: 100,0000(பத்து லட்சம்) ஆண்டுகள்.
தமிழ் மக்கள் 'ரெஜி போம்' என அழைக்கும் styrofoam பஞ்சு: 10 லட்சம் ஆண்டுகளுக்கு மேல்.
கண்ணாடிகள், கண்ணாடியால் ஆன பாத்திரங்கள், கண்ணாடிப் பாட்டில்கள்: 10 லட்சம் தொடக்கம் 20 லட்சம் ஆண்டுகள் வரை.

தகவலுக்கு நன்றி: Be healthyandrelax.com

நாம் உபயோகிக்கும் பிளாஸ்டிக் தொடக்கம் பல மூலப் பொருட்கள் எத்தனை நூற்றாண்டுகள் நின்று நிலைத்து இந்தப் பூமியை அழிக்க இருக்கின்றன என்பதையும் கொஞ்சம் சிந்திப்போம்.

(தொடரும்)

உங்கள் கருத்துக்களும் வரவேற்கப் படுகின்றன.

குறள் காட்டும் பாதை

2012-02-24T00:23:00.001+01:00

இன்றைய குறள்

மழித்தலும் நீட்டலும் வேண்டா; உலகம்

பழித்தது ஒழித்து விடின். (280)

பொருள்: உலகம் பழிக்கும் தீய செயல்களை விட்டு விட்டால், மொட்டை அடித்தலும் சடை வளர்த்தலுமாகிய புறக் கோலங்கள் வேண்டாம்.

அமுத வாக்கு

2012-02-24T00:23:00.000+01:00

திருமுருக கிருபானந்த வாரியார்

இறைவன் நமக்குப் புரிவது அனைத்துமே அருள்தான். நமது அறியாமையால் சில சமயங்களில் அது நமக்குத் துன்பம்போல் தெரிகிறது.

சாப்பிடும் முன் கவனிக்க வேண்டியவை

2012-02-24T00:21:00.001+01:00

சாப்பிடுவது, தண்ணீர் குடிப்பது உள்ளிட்ட விஷயங்கள் தொடர்பாக, நபிகள் நாயகம் கீழ்க்கண்ட விதிகளை கூறியுள்ளார்:

அதாவது இரவில் பட்டினியாக இருக்காதீர்கள். பட்டினி கிடப்பதால் எளிதில் 'முதுமை' அடைந்துவிடுவீர்கள்.

மூச்சு விடாமல் தண்ணீர் குடிக்காதீர்கள். இரண்டு அல்லது மூன்று முறை மூச்சுவிட்டு குடிப்பதும், குடிக்கும்போது பிஸ்மில்லாஹ் (எல்லாம் இறைவனால் நடக்கிறது) என்று கூறி குடியுங்கள்.

குடித்த பிறகு அல்ஹம்துலில்லாஹ் (இறைவனுக்கு நன்றி) என்று கூறுங்கள்.

இடது கையால் உண்ணவோ நீர் அருந்தவோ கூடாது. ஏன் என்றால், ஷைத்தான் அப்படித்தான் செய்யும்.

உணவில் வீண் செலவும் ஆடம்பரமும் வேண்டாம். முடிந்தவரை உணவை தர்மம் பண்ணுங்கள்.

வயிறு நிறைய சாப்பிட்டீர்களானால், இறுதிக் காலத்தில் சாப்பிட முடியாமல் கஷ்டப்படுவீர்கள்.

இறைச்சி சாப்பிடுவதை வழக்கமாக்கிக் கொள்ளாதீர்கள். தினமும் இறைச்சியை உண்ணும் குடும்பத்தார் மீது இறைவன் கோபமடைகிறான்.

நன்றி: ithayapoomi.org

ஆன்மீகம் - 7

2012-02-24T00:03:00.001+01:00

ஆக்கம்: வேதா இலங்காதிலகம், டென்மார்க்.

திட்டமான தேவ உதயம்

தேவாலயமணி ஓசைகள்

தேவகீத இசைவில்,

தேவதைகள் பூச்சொரிய

தேவபாலன் உதிக்கிறார்.

தேய்ந்தவரை ஆதரித்து

தேவ நற்கருணை தர,

தேவ நன்நாளிலே

தேவ கிருபை நிறைகிறது.

அரிய பாக்கியமிதுவே

மரியாள் மைந்தன்

தரிசனமே, மகிழ்வு

விரிய வைக்கிறது.

போதுமெனும் வரையில்

புண்ணிய தினத்திலே

போற்றுவோ மவன் கருணை.

பொக்கிசமான தேவகருணை.

மாட்டுத் தொழுவத்தில்

காட்டிய அற்புதம்

திட்டமான தேவ உதயம்,

ஒளிவட்டமானது உலகில்.

குறள் காட்டும் பாதை

2012-02-23T00:56:00.001+01:00

இன்றைய குறள்

கணைகொடிது யாழ்கோடு செவ்விதுஆங் குஅன்ன

வினைபடு பாலால் கொளல். (279)

பொருள்: நேராகத் தோன்றினாலும் அம்பு கொடியது; வளைவுடன் தோன்றினாலும் யாழின் கொம்பு இன்னிசை தரக்கூடியது. ஆகவே, மக்களின் பண்புகளைச் செயல்வகையால் அறிதல் வேண்டும்.

இன்றைய சிந்தனைக்கு

2012-02-23T00:56:00.000+01:00

ஜான் பன்யன்

சந்தேகம் என்றொரு கோட்டையின் தூண்களே அதிருப்தியும், அவ நம்பிக்கையும்.

கண்டிப்பாக வயது வந்தவர்களுக்கு மட்டும்!

2012-02-23T00:03:00.000+01:00

ஆக்கம்:செ.சஞ்சயன் , நோர்வே .

வயதுக்கு வராதவர்களை கட்டாயமாக வெளியேறும் படி மிகுந்த கண்டிப்புடன் கேட்டுக்கொள்ளுகிறேன்..

சில நாட்களுக்கு முன் நடந்த கதை இது. கணணி திருத்த அழைத்தார் என்னை.
நானும் தனது முயற்சியில் மனம் தளராத விக்கிரமாதித்தன் போல கடும் குளிரில் அவர் வீடு தேடிப்போய் கணணி திருத்தி வீடு திரும்பினேன். அன்றிரவு மீண்டும் தொலைபேசியில் அழைத்தார். இப்பவும் கணணிப் பிரச்சனை என்ற போது நான் சூடாகத் தொடங்கியிருந்தேன். அய்யா! இப்போ தானே திருத்தித் தந்தேன் என்றேன். "ஆம் நீ போன பின் அது வேலை செய்யவில்லை" என்றார். யோசித்துப் பார்த்தேன்.. அவருக்கு பிரச்சனையை விளக்கிக் கூறத் தெரியவில்லை. ஆண்டவனும் எனக்கு ஞானக்ககண்ணை இன்னும் தரவில்லை. எனவே அவரின் பிரச்சனை அடுத்த நாள் வரை தீர்க்கப்படாமல் போனது.

மறுநாள் மீண்டும் கடும் குளிரில் நனைந்தபடியே அவரிடம் போய் பிரச்சனையைச் சொல்லுங்களய்யா என்றேன். பிரச்சனையை விளக்கினார். பிரச்சனை விளங்கியதும் நான் சொன்ன மாதிரி நீங்கள் செய்யவில்லையே என்றேன். நீ என்ன சொன்னாய்?, எப்ப சொன்னாய்? என்றார். எனது காதுக்குள் நம்ம வடிவேல் அண்ணண் ”ஆகா” சொல்வது போலிருந்தது.

இப்பொழுது நான் அவரைப் பற்றி சொல்லியே ஆகவேண்டும். அவருக்கு வயது 80ஐ நெருங்கிக்கொண்டிருந்தது. கண்பார்வை சற்று மங்கல். வீடு முழுவதும் அழகிய வடிவங்களில் மதுபான போத்தல்கள் இருந்தன. அவற்றை விட அதிகளவில் பழங்காலத்து பொருட்கள் பலவற்றைக் கொண்டு அவரின் வீட்டை அலங்கரித்திருந்தார். அவர் என்னிலும் அகலமாயும், பாரமாயுமும், நிறைமாத கர்ப்பிணியின் வயிறு போன்ற அல்லது அதைவிட சற்று பெரிய வண்டியுடனும்(தொப்பை) இருந்தார்.

மனிதரின் நகைச்சுவைகள் ரசிக்கத்தக்கதாக இருந்தன. ”ஏ” ஜோக்குகளுக்கும் குறைவிருக்கவில்லை. வயதுக்கும் அவரின் மனதுக்கும் சம்பந்தமில்லாதது போல இருந்தது எனக்கு. தனது தற்போதைய காதலிகளைப் பற்றி கண்ணடித்துக் கதைத்தார். என்னைப் பார்த்து உனக்கு காதலி இருக்கிறாளா? என்ற போது பயந்து போய் தலையை தேவைக்கு அதிகமான வேகத்துடன் ஆட்டினேன். திருமணமாகிவிட்டதா என்றார். ஆம் என்றேன். தன் வாழ்க்கையில் விடாத பிழை அது ஒன்றுதான் என்று சொல்லியபடியே சிரித்தார். நான் மௌனித்திருந்தேன்.

அவருக்கு மீண்டும் கணணியை எப்படி இயக்குவது என்று சொல்லிக்கொடுத்த பின் வீடு நோக்கிப் புறப்பட்டேன். அவரின் வீட்டின் அருகில் இருந்த பஸ் தரிப்பிடத்திற்கு நான் வந்த சேர முதலே மீண்டும் தொலைபேசியில் அழைத்தார். இப்பவும் "நீ போன பின், நீ போன பின் அது வேலை செய்யவில்லை" என்றார். எனக்கு வாயில் நல்ல நல்ல வார்த்தைகள் வந்த போயின. காதுக்குள் இருந்து ஆவி பறந்தது. வயோதிபர் என்பதால் அடக்கி வாசித்தேன். "சரி வருகிறேன்" என்று மீண்டும் அங்கு போய் "என்ன பிரச்சனை? என்றேன். அதே பிரச்சனையை மீண்டும் கூறியபோது எனக்கு சிரிப்பதா அழுவதா என்று புரியவில்லை.

அவருக்கு விளங்கும் முறையில் மீண்டும் ஒரு தரம் விளக்கிக் கூறிய அதேவேளை, படங்கள் மூலம் விளக்கும் ஒரு ஆவணத்தைத் தயாரித்து அதை print எடுத்துக் கொடுத்தேன். மகிழ்ந்து போனார் மனிதர்.

தொலைக்காட்சியில் பனிச்சறுக்கு உலகக்கிண்ணப் போட்டிகள் நோர்வேயில் நடந்து கொண்டிருப்பதை காட்டிக் கொண்டிருந்தார்கள். எனக்கும் அதில் ஆர்வம் இருந்ததால் நானும் எட்டிப் பார்த்துக் கொண்டிருந்தேன். "வா.. வா வந்திருந்து பார். இப் போட்டி முடிந்த பின் நீ வீடு போகலாம், அது வரை நீ எனது விருந்தினன்" என்றார். நானும் விருந்தினனாக மாறிக்கொண்‌டேன்.

"குடிக்க ஏதும் வேண்டுமா? என்றார். 'தண்ணீர்' என்றேன். தந்தார். அவர் கையில் மதுக்கிண்ணத்துடன் வந்தமர்ந்து கொண்டார்.

பேசிக்கொண்டிருந்தோம். "இந்தப் பெரிய வீட்டில் தனியாகவா இருக்கிறீர்கள்? என்றேன். "குழந்தைகள், உறவினர்கள் இல்லையா? என்றேன். "நான் தனிக்காட்டு ராஜா" என்று சொல்லிச் சிரித்தார்.

பின்பு அவரே, "கடந்த ஆண்டு வரை எனக்கு குழந்தைகள் இருக்கவில்லை, இப்போது ஒரு மகன் இருக்கிறார்" என்றார். நான் உண்மையிலேயே ஆடிப்போய்விட்டேன். "என்னடா இது?.. "அவர் நடக்கவே முடியாத அளவுக்கு இருக்கிறார்.. இவருக்கு எப்படி குழந்தை? என்று மண்டையை உடைத்தாலும்.. "குழந்தை பெறுவதற்கு உங்கள் வயது கொஞ்சம் அதிகமில்லையா? என்றேன். அவரும் "ஏன் என் வயதுக்கும், அழகுக்கும் என்ன குறை? என்று சொல்லி மேலும் என்னைக் குழப்பி ஒரு ‌மோசமான ”ஏ” ‌ஜோக்கும் அடித்தார்

பின்பு சிரித்தபடியே "எனது குழந்தைக்கு 55 வயதாகிறது" என்ற ‌போது "உங்களுக்குத் தானே குழந்தைகள் இல்லை என்றீர்களே? என்று மடக்கினேன் அவரை. "ஆம் கடந்த ஆண்டு வரை எனக்கு குழந்தைகள் இருப்பது எனக்குத் தெரியாது", ஆனால் திடீர் என்று ஒரு நாள் ஒரு பாதிரியாரிடம் இருந்து வந்த ஒரு கடிதத்தில் உங்கள் குழந்தை உங்களை சந்திக்கவிரும்புவதாக எழுதியிருந்ததாகவும் அதன் பின்பு தான் "குழந்தை" எனப்படும் தனது மகனைச் சந்திக்க அனுமதி வழங்கியதாகவும் சொன்னார்.

அவரின் மகன் வந்த போது ஒரு அழகிய வயதான பெண்மணியையும் அழைத்து வந்ததாயும். அப்பெண் தன்னைத் தெரிகிறதா என்று கேட்டபோது இவர் இல்லை என்றிருக்கிறார். "ஒரு நாள் என்னுடன் படுத்த உனக்கு எங்கே என்னை ஞாபகம் இருக்கும்? என்றாராம் அந்தப் ‌பெண்மணி. அப்போது தான் புரிந்ததாம் அவர் 'தீராத விளையாட்டுப்பிள்ளையாக' விளையாடித்திரிந்த காலத்தின் கோலம் தான் இந்த 'மகன்' என்று.

இப்போ என்னைப் பார்த்துக் கேட்டார்.. "இவை ஏறத்தாள 50 - 55 வருடங்களுக்கு முன் முறுக்கேறியிருந்த காலத்து விளையாட்டுக்கள். இவை யாருக்காவது ஞாபகம் இருக்குமா? என்று.. நான் யதார்த்தமாய் "இருக்கமுடியாது தான்" என்று இழுத்தேன். அது ஒரு ”பொற்காலம்” எத்தனை எத்தனை அழகிகள் என் பின்னால் அலைந்தார்கள்... ம்..ம் என்று பெருமூச்செறிந்தார்.

இப்படி எத்தனை குழந்தைகள் உங்களுக்குத் தெரியாமல் இருக்கிறார்களோ என்றேன்? "யாருக்குத் தெரியும்? என்றார்.. மிகவும் கூலாக. அத்துடன் தானும் மகனும் DNA பரிசோதனை மூலம் தான் தான் தகப்பன் என்பதை உறுதி செய்து கொண்டுள்ளதாகவும் கூறினார்.

அந்தக் காலத்தில் ”பாதுகாப்பு”ச் சாதனங்கள் கிடைப்பது கடினம். அது தான் இப்படியாகிவிட்டது என்றும் ஆனால் அதுவும் நல்லதற்கே என்றும்., பின்பு அவரே.. இந்த வயோதிபக் காலத்தில் ”மகன்” என்று உரிமையுடன் பழக ஒருவர் கிடைத்திருப்பது தனது மனதுக்கு இதமாக இருகிறதென்றார்..

"55 வருடங்களின் பின் உன்னை உனது குழந்தை தேடிவருகிறது என்றால் அதை விதி என்று சொல்லாமல் வேறு என்ன என்று சொல்வது? என்றாரு தத்துவத்தையும் உதிர்த்து... மீண்டும் மதுக்கிண்ணத்தை நிரப்பிக்கொண்டார்.

விடைபெற்று வீடு வந்தேன். வரும் வழியெல்லாம் அவர் மீண்டும் என்னை உதவிக்கழைப்பாரோ என்று பயந்துகொண்டிந்தேன். அவர் அழைக்கவில்லை. இன்று அழைத்தார். என்னய்யா பிரச்சனை என்றேன்?. பிரச்சனையை விளக்கினார். நான் கூறிய விதத்தில் பிரச்சனையை தொலைபேசியினூடாக தீர்த்துக்கொண்டார்.

"இன்று மாலையுணவருந்துவதற்கு எனது மகன் அழைத்திருக்கிறான், அங்கு போகவேண்டும்" என்று துள்ளல் கலந்த குரலில் சொன்னார். "உங்களுக்காக மகிழ்ச்சியடைகிறேன்" என்றேன். சிரித்தபடியே விடைபெற்றார்.

இன்றைய நாளும் நல்லதே.

தொலைபேசி எச்சரிக்கை!

2012-02-22T11:35:00.000+01:00

கையடக்கத்தொலைபேசியின் ஊடாக நாம் பயன்படுத்தும் சேவைகளில் முக்கியமானதொன்றே குறுந்தகவல் (SMS- Short Message Service) ஆகும்.

இதற்கான கட்டணம் அழைப்புக்கான கட்டணத்துடன் ஒப்பிடும்போது மிகக் குறைவாகும். அதுமட்டுமன்றி நினைத்ததனை இலகுவாக தட்டச்சு செய்து உடனே அனுப்பிவிடலாம். இத்தகவல் முறையானது குறிப்பாக இளைஞர்களிடையே வெகு பிரபலமாக உள்ளது.

இதனை அறிந்து வைத்துள்ள தொலைத்தொடர்பாடல் நிறுவனங்கள் சலுகை விலையில் குறுந்தகவல் அனுப்பும் வசதியை வழங்கிவருகின்றன. இச்சலுகையைப் பூரணமாகப் பயன்படுத்திக்கொள்ளத்துடிக்கும் இள வயதினரோ இவற்றினால் எழப்போகும் மேலும்

குறள் காட்டும் பாதை

2012-02-22T00:06:00.001+01:00

இன்றைய குறள்

மனத்தது மாசாக மாண்டார்நீர் ஆடி

மறைந்துஒழுகும் மாந்தர் பலர். (278)

பொருள்: மனத்தில் மாசு இருக்கத், தவத்தால் மாண்பு பெற்றவரைப் போல் நீராடி மறைவாக வாழ்க்கை நடத்தும் வஞ்சனையாளர் பலர் உள்ளனர்.

இன்றைய பொன்மொழி

2012-02-22T00:06:00.000+01:00

மூத்தோர் சொல்

உடலில் ஊனம் உள்ளவர்களுடன் பழகினாலும், மனதில் ஊனம் உள்ளவர்களுடன் ஒரு காலமும் பழகாதீர்கள்.

மாம்பழத்தின் மகிமை

2012-02-22T00:03:00.007+01:00

ஆக்கம்: வினோ ரூபி, சென்னை இந்தியா

மாம்பழத்தில் வைட்டமின் ஏ உயிர்சத்து நிறைந்துள்ளது. இதனை உட்கொள்வதால் நமது ரத்தம் அதிகரிக்கப்பட்டு உடலுக்கு நல்ல பலம் கிடைப்பதாக உள்ளது. உடலுக்கு நோய் எதிர்ப்பு சக்தியும் அளிக்கிறது.

மாம்பழம் பெரும்பாலும், அப்படியே பழமாக உண்ணப்படுகிறது. தோலையும், விதையையும் நீக்கிய பிறகு, பழச்சதை துண்டு செய்யப்பட்டு உண்ணப்படுகிறது.
பழச்சதை நன்றாக கூழாக்கப்பட்டு, மாம்பழச்சாறாகவும் பருகப்படுகிறது. மாம்பழச்சாறு பாலுடன் கலந்தும் பருகப்படுகிறது அல்லது ஐஸ் கிரீம் செய்யப் பயன்படுத்தப்படுகிறது.
எல்லோருக்கும் பிடித்தமான பழம் மாம்பழம். மாம்பழம் சூடானது, அதிகமாக சாப்பிட்டால் உஷ்ணம் உடம்பில் ஏறி தொல்லை தரும் என்பார்கள். இதனை மருத்துவ விஞ்ஞானம் ஏற்கவில்லை.
100 கிராம் மாம்பழத்தில் 12.2 முதல் 42.2 மில்லி கிராம் வரை வைட்டமின் ஏ யும், 13.2 முதல் 80.3 மில்லி கிராம் வரை வைட்டமின் சியும் உள்ளது. தினமும் ஒரு மாம்பழம் சாப்பிட்டால் இந்த இரண்டு
வைட்டமின்களும் எளிதாக நமது உடலை வந்தடையும். பல பேர்கள் மாம்பழத்தை முழுதுமாக சாப்பிடாமல் தோல் பகுதியை தூர எறிந்து விடுவார்கள்.

மாம்பழத்தின் மேல் தோல் பகுதியில் தான் வைட்டமின் சி சத்து அதிகமாக உள்ளது. மனிதர்களின் உடலுக்கு அதிக முக்கிய தேவையான கால்சியம், பாஸ்பரஸ், சோடியம், பொட்டாசியம் ஆகியவைகள் நாம் சுவையாக சாப்பிடுகின்ற மாம்பழத்தில் அதிகமாக இடம் பெற்றுள்ளது.
வெண்ணெயில் அளவுக்கு அதிகமான வைட்டமின் ஏ இருப்பதை நாம் அறிவோம். இதே போன்றே மாம்பழத்திலும் அளவுக்கு அதிகமான வைட்டமின ஏ இருப்பதால் விலை கூடுதலான வெண்ணெயை உண்பதைவிட விலை மலிவான மாம்பழத்தை உண்ணலாமே. நாம் சாப்பிடாமல் தூக்கி எறியும் மாங்கொட்டையிலும் கால்சிய சத்தும், கொழுப்பு சத்தும் இருக்கின்றது.

குறள் காட்டும் பாதை

2012-02-21T01:45:00.000+01:00

இன்றைய குறள்

புறம்குன்றி கண்டுஅனைய ரேனும் அகம்குன்றி

மூக்கில் கரியார் உடைத்து. (277)

பொருள்: புறத்தோற்றத்தில் குன்றிமணியின் செம்மையான நிறம்போல் தோற்றம் உடையவர் என்றாலும், உள்ளத்தில் குன்றிமணியின் மூக்குப் போலக் கறுத்திருப்பவர்(கருமையான உள்ளம் படைத்தவர்) உலகில் பலர் உள்ளனர்.

இன்றைய பொன்மொழி

2012-02-21T01:02:00.001+01:00

மூத்தோர் சொல்

உயர்வு என்பது ஊக்கத்தின் அளவைப் பொறுத்ததே. ஊக்கம் உள்ளவனை அழிக்கவும் முடியாது, அவனது வெற்றியைத் தடுக்கவும் முடியாது.

நாடுகாண் பயணம் - போக்லாந்து தீவுகள்

2012-02-21T00:49:00.004+01:00

தீவுக் கூட்டங்களின் பெயர்:
போக்லாந்துத் தீவுகள்(Falkland Islands)

வேறு பெயர்கள்:
பால்க்லாந்துத் தீவுகள் அல்லது மல்வினஸ்(Islas Malvinas)

அமைவிடம்:
தெற்கு அத்திலாந்திக் சமுத்திரம்.

எல்லைகள்:
தீவுகள் என்பதால் நான்கு பக்கமும் தெற்கு அத்திலாத்திக் சமுத்திரம் இருப்பினும் கடலுக்கு அப்பால் மேற்குப் பக்கத்தில் ஆர்ஜென்டீனா.

பூகோள அமைப்பு:
இரண்டு பெரிய தீவுகளையும் 776 சிறிய தீவுகளையும் கொண்டது.

தலைநகரம்:
ஸ்டான்லி((Stanley)

பெரிய நகரம்:
ஸ்டான்லி((Stanley)

அலுவலக மொழி:
ஆங்கிலம்

இனங்கள்:
போக்லாந்தர்கள்(Falkland Islander) 61%
பிரித்தானியர்(British) 29%
ஸ்பானியர்கள்(Spanish) 2,6%
ஜப்பானியர்கள் 0,6%
சிலியர்கள்(Chilean) 6,5%

சமயங்கள்:
கிறீஸ்தவம் 67,2%
சமயம் சாராதோர் 31,5%
ஏனைய சமயங்களைச் சேர்ந்தோர் 1,3%

ஆட்சிமுறை:
பிரித்தானியாவின் கடல்கடந்த ஆட்சிப் பகுதி.(சம்பிரதாயபூர்வமான அரசியையும் பாராளுமன்றத்தையும் கொண்ட மற்றொரு நாட்டின் இறைமையில் தங்கியிருக்கும் பிரதேசம்).

நாட்டின் தலைவி:
மாட்சிமை தங்கிய இரண்டாவது எலிசபெத்(இங்கிலாந்து அரசி)

ஆளுநர்:
நீஜெல் ஹேய்வூட்(Nigel Haywood)*இது 21.02.2012 அன்று உள்ள நிலவரம் ஆகும்.

தலைமைப் பிரதிநிதி:
கீத் பட்ஜெட் (Keith Padget)*இது 21.02.2012 அன்று உள்ள நிலவரம் ஆகும்.

பிரித்தானிய ஆட்சி புதுப்பிக்கப்பட்ட தேதி:
05.01.1833

ஆர்ஜென்டீனா நாட்டினால் கைப்பற்றப்பட்ட தேதி:
02.04.1982

ஆர்ஜென்டீனாவிடமிருந்து விடுவிக்கப்பட்ட தேதி:
14.06.1982

தற்போதைய அரசியல் யாப்பு வரையப்பட்ட தேதி:
01.01.2009

பரப்பளவு:
12,173 சதுர கிலோ மீட்டர்கள்

சனத்தொகை:
3140 பேர்(2008 மதிப்பீடு)

நாணயம்:
போக்லாந்துத் தீவுகளின் பவுண்டு(Falkland Islands Pound / FKP)

இணையத் தளக் குறியீடு:
.fk

சர்வதேசத் தொலைபேசிக் குறியீடு:
00 + 500

வருமானம் தரும் தொழில்கள்:
விவசாயம், மீன்பிடி, கம்பளி தயாரிப்பு, மந்தை வளர்ப்பு, சுற்றுலாத் துறை.

விவசாய உற்பத்திகள்:
விலங்குகளின் உணவுகள், காய்கறிகள், செம்மறி ஆடு, பாற்பொருட்கள்(பால்), மீன், கணவாய்.

ஏற்றுமதிகள்:
கம்பளி, மிருகங்களின் தோல், இறைச்சி, மீன், கணவாய்.

தீவுக் கூட்டங்களைப் பற்றிய சிறு குறிப்புகள்:

இத் தீவு முழுமையாக பிரித்தானிய அரசின் மேற்பார்வையின் கீழ் வரம்புக்கு உட்பட்ட சுதந்திரத்துடன் இயங்குகிறது. தீவின் பாதுகாப்பு பிரித்தானிய அரசைச் சார்ந்தது. இத் தீவில் பிரித்தானியப் படையினர் நிலை கொண்டுள்ளனர்.
இத் தீவானது ஐக்கிய நாடுகள் சபையினால் இறைமையுள்ள ஆட்சிப் பிரதேசம் என அங்கீகரிக்கப் பட்டுள்ளது.
இத் தீவில் 1850 ஆண்டளவில் குடியேறியவர்களின் அல்லது வாழ்ந்தவர்களின் எண்ணிக்கை 284 ஆகும். இத் தீவின் ஆதிக் குடிகள் ஸ்கொட்லாந்துக் காரர்கள், பிரெஞ்சு வம்சாவளியினர், ஜிப்ரோல்டர் வம்சாவளியினர் மற்றும் ஸ்கன்டிநேவியர்கள் ஆவர்.
இத் தீவைக் காலம் காலமாக அண்டை நாடாகிய ஆர்ஜென்டீனா உரிமை கோரி வருகிறது. மேற்படி தீவுகளின் இறைமை சம்பந்தமாக பிரித்தானியாவுக்கும் ஆர்ஜென்டீனாவுக்கும் பல தசாப்தங்கள் இழுபறி நிலவியது. இதனாலேயே இத் தீவுகளின் மீது ஆர்ஜென்டீனா 1982 ஆண்டில் படையெடுத்து தீவுகளைக் கைப்பற்றிக் கொண்டது. இருப்பினும் பிரித்தானியப் படையினர் கடும் போர் புரிந்து தீவுகளை திரும்பக் கைப்பற்றிக் கொண்டனர். ஆர்ஜென்டீனா பலத்த தோல்வியுடன் பின்வாங்கிக் கொண்டது.
இத் தீவின் இறைமை சம்பந்தமாக பேசுவதற்கு ஆர்ஜென்டீனா விடுக்கும் அழைப்புகளை பிரித்தானியா ஏற்றுக் கொள்வதில்லை.
அரசியல் சாசனப்படி இத் தீவுகளின் மக்கள் 'பிரித்தானியப் பிரஜைகள்' ஆவர். இவர்கள் விரும்பினால் ஆர்ஜென்டீனக் குடியுரிமைக்கு விண்ணப்பிக்க முடியும்.
இத் தீவு மக்களில் பெரும்பாலானவர்கள்(95%) வருமானத்திற்காக விவசாயத்தையே நம்பி உள்ளனர். அண்மைக் காலங்களில் இத் தீவுகளின் கடற்கரை ஓரங்களில் பெற்றோலியம் கண்டுபிடிக்கப் பட்டுள்ளது.
தீவைச் சுற்றலும் 786 கிலோ மீட்டர் நீளமான வீதிகள் அமைக்கப்பட்டு வாகனப் போக்குவரத்து நடைபெற்று வருகிறது. தீவில் மணித்தியாலத்திற்கு 40 கிலோ மீட்டர் (40km/h) எனும் வேகத்தில் மட்டுமே வாகனம் செலுத்த வேண்டும்.
தீவில் The Penguin News மற்றும் Teaberry Express ஆகிய இரு வாராந்தப் பத்திரிகைகள் வெளியாகின்றன.
தீவில் சுமாராக 1000 பேர் தொலைக்காட்சிப் பெட்டிகள் வைத்திருக்கின்றனர்.
தீவில் 1000 இற்கு மேற்பட்டோர் வானொலிப் பெட்டிகள் வைத்திருக்கின்றனர்.
இத் தீவில் BFBS1 மற்றும் KTV Ltd ஆகிய பெயர்கொண்ட உள்ளூர்த் தொலைக்காட்சிச் சேவைகள் இயங்கி வருகின்றன.
BBC, CNN ஆகிய தொலைக்காட்சிச் சேவைகளின் ஒளிபரப்பை கேபிள் ஊடாகக் கண்டு களிக்க முடியும்.
தீவில் 7 பண்பலை வானொலி ஒலிபரப்புகளும், Falkland Islands Radio Service(FIRS) எனும் பெயர் கொண்ட மத்திய அலை வானொலி ஒலிபரப்பும் நடைபெறுகிறது.
தீவில் இரண்டு விமான நிலையங்கள் இயங்குகின்றன.
தீவில் நவீன வசதிகளுடன் கூடிய மருத்துவ மனை ஒன்று இயங்கி வருகிறது. மேலதிக சிகிச்சை தேவைப் படுவோர் பிரித்தானியாவுக்கோ அல்லது சிலி நாட்டின் தலைநகர் சண்டியாகோவுக்கோ(Santiago) விமான மூலம் அழைத்துச் செல்லப் படுவர்.
தீவில் உள்ள ஒரேயொரு பாடசாலையில் சுமார் 380 மாணவர்கள் முதலாம் வகுப்பு தொடக்கம் 10 ஆம் வகுப்புவரை கல்வி கற்கின்றனர். உயர்தரக் கல்வியை(Advanced Level) இங்கிலாந்தில் தொடர விரும்பும் இத் தீவின் மாணவர்கள் இங்கிலாந்தில் அவர்களுக்கென ஒதுக்கீடு செய்யப் பட்டுள்ள இரண்டு கல்லூரிகளில் தமது உயர் கல்வியைத் தொடர முடியும்.

ஒரு பிரபலத்தின் மறைவு

2012-02-20T11:34:00.002+01:00

பழம்பெரும் நடிகை எஸ்.என்.லெட்சுமி சென்னையில் காலமானார். சமீபத்தில் ஒரு சூட்டிங் ஸ்பாட்டில் வழுக்கி விழுந்ததில் அவரது தண்டுவடத்தில் பலத்த அடிப்பட்டு, சென்னையிலுள்ள தனியார் மருத்துவமனையில் அனுமதிக்கப்பட்டு சிகிச்சை பெற்று வந்தார்.

இந்நிலையில் நேற்றிரவு, அவரது உடல்நிலை கவலைக்கிடமாகி மருத்துவமனையிலேயே காலமானார். இறக்கும்போது இவருக்கு வயது 85. தன்னுடைய 6 வயதில் மேடை நாடகங்களில் நடித்த இவர் நடிப்பிற்கு பெயர் போன எம்.ஜி.ஆர், சிவாஜி, ஜெமினி கணேசன் போன்ற நடிகர்களுடன் நடித்துள்ளார். நடிகர் கமல்ஹாசனின் தீவிர ரசிகையான இவர், கமல்ஹாசனின் ஏராளமான படங்களில் நடித்துள்ளார்.கமல்ஹாசனின் மாமியாராக 'மகாநதி' திரைப்படத்தில் நடித்து ரசிகர்களால் பேசப்பட்டு புகழின் உச்சிக்கு சென்றார். அவருக்கென அத் திரைப்படத்தில் ஒதுக்கப்பட்ட "பேய்களை நம்பாதே, பிஞ்சிலே வெம்பாதே" என்ற பாடல் இப்போதும் ரசிகர்களின் காதுகளில் ஒலித்துக் கொண்டிருக்கிறது.தமிழ், தெலுங்கு என பல்வேறு மொழிகளில் 1000க்கும் மேற்பட்ட படங்களில் நடித்துள்ளார். அதுமட்டுமின்றி ஏராளமான டி.வி சீரியல்களிலும் நடித்து வந்தார்.

நடிப்பின் மீதுள்ள ஆர்வத்தால், கடைசி வரை திருமணமே செய்து கொள்ளாத இவர், தனது அண்ணன் பேத்திகளுடன் சென்னை சாலி கிராமத்தில் வசித்து வந்தார்.
மறைந்த எஸ்.என்.லெட்சுமியின் உடலுக்கு ஏராளமான திரையுலக நட்சத்திரங்கள் அஞ்சலி செலுத்தி வருகின்றனர். அமரர் எஸ்.என்.லெட்சுமி அவர்களின் இறுதி சடங்கு, விருதுநகரில் உள்ள அவரது சொந்த ஊரான சென்னல்குடியில் நாளை (21.02.12) நடைபெற இருக்கிறது.
தமிழ்த் திரையுலகில் துணை நடிகையாகப் பல தசாப்தங்கள் நடித்து ரசிகர்களின் மனங்களில் நீங்காத இடத்தைப் பிடித்த சாதனையாளர் அமரர் எஸ்.என்.லட்சுமி அவர்களின் மறைவிற்கு அந்திமாலை இணையம் தனது கண்ணீர் அஞ்சலிகளைத் தெரிவித்துக் கொள்கிறது. அவர்தம் இழப்பால் துயருறும் அவரது குடும்பத்தினருக்கு எமது ஆழ்ந்த அனுதாபங்களைத் தெரிவித்துக் கொள்கிறோம்.

ஆசிரியபீடம்

அந்திமாலை

www.anthimaalai.dk

குறள் காட்டும் பாதை

2012-02-20T01:08:00.000+01:00

இன்றைய குறள்

நெஞ்சில் துறவார் துறந்தார்போல் வஞ்சித்து

வாழ்வாரின் வன்கணார் இல். (276)

பொருள்: மனதில் பற்றுக்களைத் துறக்காமல், துறந்தவர் போல் வஞ்சனை செய்து வாழ்கின்றவரைப் போலக் கொடியவர் எவரும் இலர்.

இன்றைய பொன்மொழி

2012-02-20T01:02:00.001+01:00

மூத்தோர் சொல்

எல்லாத் துன்பங்களுக்கும் இரண்டு மருந்துகள் உள்ளன. ஒன்று காலம், இன்னொன்று மௌனம்.

"நைட்டியை கழற்றவே மாட்டாங்களா...?"

2012-02-20T00:03:00.001+01:00

ஆக்கம் : தோழன் மபா, சென்னை,தமிழ்நாடு .

பெண்களுக்கு இரவு உடையாக இருக்கவேண்டும் என்று கண்டுபிடித்ததுதான் இந்த 'நைட்டி'. ஆனால், இன்று அது படும்பாடு சொல்லிமாளாது. என்னமோ... நைட்டிதான் நமது பெண்களின் தேசிய உடை என்று, நமது பெண்கள் நினைத்துவிட்டார்களோ என்னவோ...? அந்த அளவிற்கு இந்த நைட்டி அவர்கள் உடலிலிருந்து இறங்குவதே இல்லை.

வூட்ல இருந்தாலும் நைட்டிதான், தெருவில் நடந்தாலும் நைட்டிதான், கடைக்கு போனாலும் நைட்டிதான், பக்கத்தில இருக்கிற பள்ளிக்கூடத்துக்கு போனலும் நைட்டிதான் என்று நைட்டியை தமது ஒரு அங்கமாகவே பெண்கள் நினைத்துவிட்டார்கள்.

வீட்ல ஆம்பிளைங்க என்னதான் காட்டு கத்தலா கத்தினாலும், அது 'செவிடன் காதில ஊதுன சங்குதான்'. வீட்டில் இருக்கும்போது நைட்டியை விட்டு பெண்கள் வேறு உடைக்கு மாறுவதில்லை.

உடலை பெருக்க வைக்கும் நைட்டி!

தொடர்ந்து நைட்டியை அணிவதால், அது பெண்களின் உடலை கட்டுக் கோப்பாக வைத்துக் கொள்வதில்லை. இடுப்பு, பின்பக்கம், அடிவயிறு போன்ற இடங்களில் எந்தவித இறுக்கமும் இல்லாததால் சதை அதன் போக்கில் பெருக்கத் தொடங்கிவிடுகிறது. இதனால் சிறிய வயதினிலேயே பெண்கள் அதிக வயதானவர்கள் போல் தெரியத்தொடங்கிவிட்டனர்.

மார்பு தொங்கிவிடாமல் இருக்கவும், பார்க்க (?) எடுப்பாக இருக்கவும், பழங்காலங்களில் பெண்கள் துணியை (கச்சை) வைத்து தங்கள் மார்பை இறுக்கமாகக் கட்டிக் கொள்வார்கள்.

"கச்சை அணிந்த கொங்கை மாந்தர்
கண்கள் வீசு போதிலும் அச்சமில்லை அச்சமில்லை
அச்சமென்பதில்லையே" என்றார் பாரதி.
உடலில் தேவையான இடங்களில் எப்போதும் இறுக்கம் இருக்கவேண்டும். அப்போதுதான் அதனதன் அளவில்'அது' இருக்கும். இல்லையென்றால் பெருக்கவும் வழியுண்டு, சிறுக்கவும் வழியுண்டு.

நைட்டி இரவு உடைதானே...?

நைட்டி இரவு உடைதான் என்பதை மறந்து பல நாள் ஆயிற்று. பகல் முழுவதும் உழைத்து களைத்துப் போகும் பெண்கள் இரவிலாவது தங்களைச் சுற்றி பின்னிப் பிணைத்திருக்கும் ஆடைகளுக்கு விடை கொடுத்து,   கொஞ்சம் சுதந்திரமாக இருக்கவேண்டும், என்ற எண்ணத்தில்தான் இந்த நைட்டி வந்திருக்கும் என்பது எனது எண்ணம்.

"ஆமா,   வீட்டுக்கார ஐயா, நடுக்கூடத்தில் மேலாடை அணியாமல் உக்காந்து டி.வி பாப்பாரு. ஆனா, அந்த வீட்டுக்கார அம்மா மட்டும் சமையல் கூடத்தில், எட்டு முழம் சேலையை சுத்திக்கொண்டு புழுங்கிச் சாகவேண்டுமா? நல்லா இருக்குங்க உங்க டீலிங்கு"

ஆனால், எது சொளகரியமாக இருந்ததோ.... அதுவே இன்று நமது கலாச்சாரத்தை பதம் பார்த்துக் கொண்டு இருக்கிறது. பேருந்து செல்லாத சிறு சிறு மலைக் கிராமங்களில் கூட, நமது பெண்கள் நைட்டி அணிகிறார்கள். குச்சி ஊன்றி நடக்கும் ஆயாக்கள் கூட நைட்டி அணிந்திருப்பதை பார்த்திருக்கிறேன்.

நைட்டியை பகலில் கூட கழற்ற மறுக்கிறார்கள்.

ஐரோப்பியர்கள்தான் சூழ் நிலைக்கேற்ப ஆடை அணியும் பழக்கத்தை கொண்டுவந்தனர். பகலில் ஒரு ஆடை, இரவினில் ஒன்று, வாரயிறுதிக்கு ஒன்று, அலுவலகத்திற்கு ஒன்று என்று ஒரு நாளில் இரண்டு மூன்று செட் ஆடைகளை அணிகின்றனர்.

பல வழிகளில் அவர்களை காப்பி அடிக்கும் நாம், இனியாவாது அந்தந்த ஆடைகளை அந்தந்த சீதோஷ்ண(காலநிலை) நிலைகளில் அணியவேண்டும்.

அதனால், இனியாவது இல்லத்தரசிகள் தங்கள் இரவு உடையான 'நைட்டியை' இரவில் மட்டுமே, அணிய வேண்டுமாய் வேண்டி விரும்பி கேட்டுக்கொள்கிறேன்.

சொர்க்கத்திற்கு செல்வது எப்படி?

2012-02-19T16:30:00.000+01:00

சொர்க்கம், நரகம் செல்லுவதற்கான பாதை என்பது ஏதோ நீண்ட தூரத்தில் உள்ளது. அல்லது நம் கண்ணுக்கு எட்டாத தூரத்தில் உள்ளது என்றெல்லாம் நினைத்து விடாதீர்கள். நாம் செய்யும் செயலில் தான் சொர்க்கம் மற்றும் நரகத்திற்கு செல்வதற்கான பாதை உள்ளது என்பது தான் உண்மை.

இதை மனதில் வைத்துக்கொண்டு நாம் உண்மையாக ஒவ்வொரு செயலையும் செய்தால் சொர்க்கத்தில வாசலுக்குள் நுழைந்து விடாலம். ஆயிரம் மேலும்

குறள் காட்டும் பாதை

2012-02-19T02:01:00.001+01:00

இன்றைய குறள்

பற்றுஅற்றேம் என்பார் படிற்றுஒழுக்கம் எற்றுஎற்றுஎன்று

ஏதம் பலவும் தரும். (275)

பொருள்: 'பற்றுக்களைத் துறந்தோம்' என்று சொல்கின்றவரின் பொய்யொழுக்கம் என்ன செய்தோம் என்று வருந்தும் படியான துன்பத்தையே உண்டாக்கும்.

இன்றைய சிந்தனைக்கு

2012-02-19T01:26:00.001+01:00

ஆபிரிக்கப் பழமொழி

அன்பின் உறைவிடம் அன்னை. அதைப் புரிந்து கொள்ளாமல் நாம் உலகம் முழுதும் தேடி அலைகிறோம்.

உயிர் சத்துக்கள்

2012-02-19T00:44:00.000+01:00

ஆக்கம்: வினோ ரூபி, சென்னை இந்தியா

நாம் உயிர் வாழ உடலுக்கு முக்கியமான உயிர் சத்துக்கள்(வைட்டமின்கள்) தேவைப்படுகின்றன. நாம் நம் உடலுக்கு தேவையான உயிர் சத்துக்களை தெரிந்து கொண்டு அதை உட்கொள்வது மிகவும் அவசியம்.

உடலுக்கு தேவையான உயிர் சத்துக்கள்:

வைட்டமின் ஏ: மாலை கண், கண் பார்வை, தோல் பொலிவு போன்றவற்றிற்கு இந்த வைட்டமினை உணவில் அதிகமாக சேர்த்து கொள்ள வேண்டும்.

காய்கறிகள் மற்றும் பழங்கள்: அன்னாசி, பப்பாளி, மா, பலா, கொய்யா, கேரட்.

வைட்டமின் பி: உடல் வலி, நரம்பு ஊட்டத்துக்கும், உடல் வனப்பு, வயிற்றுப்புண், வாய்ப்புண் இவை அனைத்தும் குணமாவதற்கு இச்சத்து அவசியம்.

காய்கள் மற்றும் பழங்கள்: வாழைப் பூ, சாம்பல் பூசணி, முருங்கைக்காய், கீரை.

வைட்டமின் சி: ரத்த ஓட்டத்திற்கும், தூய்மைக்கும், நோய் எதிர்ப்பு சக்திக்கும் வைட்டமின் சி மிகவும் அவசியம்.

காய்கள் மற்றும் பழங்கள்: எலும்பிச்சை, அன்னாசி, பப்பாளி, தக்காளி, நெல்லிக்காய், ஆரஞ்சு.

வைட்டமின் டி: உடலுக்கு ஊட்டச்சத்து, வலிமையையும் கொடுக்கும். இச்சத்து குறையும் போது தோல் நோய்கள் உண்டாகும்.

காய்கள் மற்றும் பழங்கள்: சூரிய ஒளி, முட்டை, மீன், தேங்காய், கடலை.

வைட்டமின் ஈ: ஊக்கத்தையும், உயிரணுக்களையும், கருத்தரித்தலுக்கான முட்டைகளையும் தோற்றுவிப்பது, வளர்ப்பது, ஆண்மை மற்றும் பெண்மையை வளர்ப்பதும் இந்த வைட்டமின் ஆகும்.

காய்கள் மற்றும் பழங்கள்: முருங்கைக்காய், விதை, முந்திரிப்பருப்பு, பேரிச்சம்பழம்.

வைட்டமின் கே: ரத்த உறைதலுக்கு உறுதுணையாக இருக்கிறது. ரத்தத்தின் தூய்மையை காக்கிறது. நாம் உட்கொள்ளும் துவர்ப்பு சுவையில் இந்த வைட்டமின் அதிகம் உள்ளது.

காய்கள் மற்றும் பழங்கள்: வாழைப் பூ, அத்திக்காய், மாதுளை, நெல்லி, கொய்யா.

குறளுக்கு மரியாதை

2012-02-19T00:03:00.002+01:00

சகோதரர் துரைடேனியல் அவர்களின் பாராட்டுக்கும், கருத்துக்கும் மிக்க நன்றி (துரைடேனியல் அவர்களின் கருத்தைக் காணஇங்கே அழுத்தவும் *பார்க்க* ).தங்கள் ஒருவரது பாராட்டு மட்டும் பல ஆயிரம் வாசகர்கள் எங்கள் சேவையைப் பாராட்டி மலர்க்கொத்து அனுப்பியதைப் போன்ற உணர்வைத் தருகிறது. இதுவரை எமது தளத்திற்கு வருகை தந்த வாசகர்கள் குறிப்பிட்ட குறளைப் பற்றிய தமது கருத்தை மட்டும் பதிவு செய்வார்கள். ஆனால் தாங்கள் ஒருபடி மேலே போய் எங்கள் சேவையையும் பாராட்டியிருக்கிறீர்கள். கடந்த 274 நாட்களாக நாங்கள் ஆற்றி வரும் தமிழ்ப் பணிக்கு ஒரு மணிமகுடம் கிடைத்ததாகவே இதைக் கருதுகிறோம்.
எமது இந்தச் சேவைக்குக் 'காரண கர்த்தாக்களாக' விளங்குபவர்கள் நால்வர். அவர்களில்முதலிடம் சிவநெறிப் புரவலர்.சிவதர்ம வள்ளல்.திருக்குறட் காவலர்.சமாதான நீதவான்.திரு.க.கனகராஜா அவர்கள்.யாழ் மாவட்டத்தில் வெளிநாட்டு நிறுவனங்களுக்கு போட்டியாக 'மில்க்வைற்'(Milkwhite) எனும் சோப்பைத் தயாரித்து, மக்களிடம் கொண்டு சென்று வெற்றியீட்டியவர். அவர் தனது தமிழ்ப் பணியின் ஓர் அங்கமாக ஒவ்வொரு சோப் உறையிலும் ஒரு குறளை அச்சிட்டார். இச் சேவை 1960 தொடங்கி 1990 கள் வரை தொடர்ந்தது. கணணி வசதிகள் இல்லாத காலத்தில் ஒவ்வொரு உறையிலும் ஒரு குறளை அச்சிடுவது எவ்வளவு சிரமமான காரியம் என்பதை மேற்படி பணியில் ஈடுபட்ட யாழ்ப்பாணம் 'சாந்தி அச்சகத்தாரிடம்தான்' கேட்க வேண்டும்.திரு.கனகராஜா அவர்கள் எமக்கு திருக்குறளின் மகிமையை உணர்த்தினார்.அந்த சோப் உறையில் அச்சடிக்கப்பட்ட திருக்குறளைப் படித்தே நாங்கள் வளர்ந்தோம்.
இரண்டாவதாக எமக்கு உந்து சக்தியாக இருந்தவர் திருக்குறளின் மகிமையை மக்களுக்கு உணர்த்தியவர், திருக்குறளின் சாரத்தை மக்களுக்கு அறியத்தரும் விதத்தில் 'குறளோவியம்' படைத்தவர், பேருந்துகளில் திருக்குறளை எழுதுமாறு பணித்து சாதாரண மக்களிடமும் திருக்குறளை கொண்டு சென்றவர், விமானத்தில் இருந்து பார்த்தாலும் தெளிவாகத் தெரியும் விதத்தில் திருவள்ளுவருக்கு கன்னியாகுமரியில் சிலை வைத்தவர், நான்கு முறை தமிழக முதல்வராகப் பதவி வகித்தவர், டாக்டர் கலைஞர் அவர்களுக்கு எமது நன்றியறிதல் உரித்தாகுக.(இவ்வாறு கூறுவதால் தி.மு.க வின் அரசியல் கொள்கைகளை நாம் பாராட்டுகிறோம் என இந்தப் 'பாராட்டு மொழிக்கு' அரசியல் வர்ணம் பூசி விடாதீர்கள்)
மூன்றாவதாக அந்திமாலையின் வளர்ச்சியில் ஆர்வத்துடன் உழைத்துவரும் எங்கள் தம்பி திரு.சதீஸ்வரன் சொர்ணலிங்கம்,அல்லைப்பிட்டி, யாழ்ப்பாணம் அவர்கள் 'தினமும் ஒரு குறள்' திட்டத்தை ஆரம்பத்தில் முன்மொழிந்தார். அவருக்கு எங்கள் நன்றிகள் உரித்தாகுக.நான்காவதாக டென்மார்க்கில், ரணாஸ் நகரில் வாழும் அந்திமாலையின் வாசகர் கரன் பாலராஜா நடராஜா அவர்கள் இந்த முயற்சிக்கு உந்து சக்தியாக இருந்தார். அவருக்கும் எங்கள் உளமார்ந்த நன்றிகள்.
வாருங்கள் "ஒன்றுபட்டு உயர்வோம்"

அன்புடன்

இ.சொ.லிங்கதாசன்

ஆசிரியர்

அந்திமாலை

www.anthimaalai.dk

குறள் காட்டும் பாதை

2012-02-18T00:34:00.003+01:00

இன்றைய குறள்

தவம்மறைந்து அல்லவை செய்தல் புதல்மறைந்து

வேட்டுவன் புள்சிமிழ்த் துஅற்று. (274)

பொருள்: தவக்கோலத்தில் மறைந்து கொண்டு தவமல்லாதவற்றைச் செய்ய விரும்புதல் வேடன் புதரில் மறைந்து பறவைகளைப் பிடிப்பதற்குச் சமமாகும்.

இன்றைய சிந்தனைக்கு

2012-02-18T00:34:00.001+01:00

மூத்தோர் சொல்

செல்வம் வந்ததும் அறிவற்ற மூடன் கூட அறிவாளியாகி விடுகிறான். அவன் வாயிலிருந்து வரும் முட்டாள்தனமான சொற்கள் கூட சமூகச் சட்டங்களாகி விடுகின்றன.

பழைய ஜோக்

2012-02-18T00:34:00.000+01:00

ஆக்கம்:இ.சொ.லிங்கதாசன்

தனது அறையில் ஏதோ மும்முரமான வேலையில் ஈடுபட்டிருந்த கிறீஸ்தவப் பாதிரியாரை நோக்கி மதுபோதையில் தள்ளாடியபடியே சென்றான் ஒரு 'பெருங்குடி மகன்'. அவனுக்கும் பாதிரியாருக்குமிடையில் நடந்த உரையாடல் இது.

பெருங்குடி மகன்: ஃபாதர்! எனக்கு ஒரு சந்தேகம்.

பாதிரியார்: சொல்லுப்பா, முடிஞ்சா தீர்த்து வைக்கிறேன்.

பெருங்குடி மகன்: ஃபாதர்! யாருக்கு இரத்தப் புற்றுநோய் வரும்?

(பெருங் குடி மகன் மீது கடுப்பில் இருந்த பாதிரியார் பின்வருமாறு பதிலளிக்கிறார்)

பாதிரியார்: ஒ, அதுவா? உன்னப் போல கண்மண் தெரியாமக் குடிச்சிட்டு, பொண்டாட்டி புள்ளைய போட்டு அடிக்கிறவனுக்குத்தான் 'இரத்தப் புற்றுநோய்' வரும். புரியுதா? சரி, இதை எதுக்குக் கேட்ட?

பெருங்குடி மகன்: வேறொண்ணும் இல்ல ஃபாதர், நம்ம 'போப் ஆண்டவருக்கு' இரத்தப் புற்றுநோய் எண்ணு பேப்பர்ல போட்டிருந்தாங்க அதுதான் கேட்டேன்.

பாதிரியார்: !!!!!!!!!!??????????

('போப் ஆண்டவர்' என்ற பதவி கத்தோலிக்கர்களின் மத குருக்களில் அதி உயர் தலைமைப் பதவி)

நன்றி: வெரித்தாஸ் வானொலி, 'தமிழ்ப் பணி', மணிலா, பிலிப்பைன்ஸ்.

தாரமும் குருவும் பகுதி - 6.3

2012-02-18T00:03:00.002+01:00

ஆக்கம்: இ.சொ.லிங்கதாசன்

(ஆசிரியர்களை அவதூறு செய்வது எனது நோக்கமல்ல)

பகுதி 6.3

பாலர் வகுப்பு(Nursery/kindergarten)

தினமும் டீச்சருடன் 'வாயாடித் தனமாக' பேசிக்கொண்டு சென்று வந்ததால் பள்ளிக்கூடம் செல்லும் பாதையைச் சரியாகக் கவனித்து, ஞாபகத்தில் வைக்கத் தவறி விட்டேன் என்பது அப்போதுதான் எனக்கு உறைத்தது. நான் நடந்துகொண்டிருக்கும் பாதை எனக்கு முன்பின் பரிச்சயமில்லாத பாதையாகத் தென்பட்டது. இனம்புரியாத 'பயம்' என்னைக் கவ்விக் கொண்டது. எவ்வளவு தூரம் நடந்தும் பள்ளிக்கூடம் தென்படாததால் அழத் தொடங்கினேன்.
ஆம், என் வாழ்வில் முதல் தடவையாக, எனது 'பதினொரு தலைமுறையினர்' வாழ்ந்த கிராமத்தில் நான் தொலைந்து போனேன்.

தெருவில் போவோர், வருவோரிடம் பள்ளிக்கூடத்தை அடைவதற்கு எந்த வழியால் செல்ல வேண்டும்? என்று கேட்டிருந்தாலே யாராவது ஒருவர் முன்வந்து உதவியிருப்பார்கள். ஆனால் வீதியால் செல்வோர்களில் பெரும்பாலானவர்கள் 'பிள்ளை பிடிகாரர்கள்' என்றல்லவா எனக்குச் சொல்லி வளர்த்திருக்கிறார்கள். "பக்கத்துக் கிராமத்துக்குப் பக்கத்தில் உள்ள ஒரு கிராமத்தில் மூன்று பிள்ளைகளை, பிள்ளை பிடிகாரர்கள்(பிள்ளைகளைப் பிடித்துச் செல்வோர்) பிடித்துச் சென்று விட்டார்களாம்", அவர்கள் பிள்ளைகளை கையில் இனிப்பு(மிட்டாய்) வைத்துக் கொண்டு அழைப்பார்களாம், அவர்கள் தரும் இனிப்பை உண்கிற பிள்ளைகள் மயங்கி சரிந்து விடுவார்களாம், அந்தப் பிள்ளைகளை அவர்கள் உடனடியாகக் காரில் ஏற்றி, கண்காணாத தேசத்திற்குக் கொண்டு சென்று 'புதையல்' எடுக்கும்போது 'மனிதக் குழந்தைப் பலி' கொடுப்பார்களாம், அல்லது அவர்களது வீட்டில் காயும் கருவாட்டைக் காவல் காக்கும்(காகம், பருந்து போன்ற பறவைகளிடம் இருந்து) வேலையில் அமர்த்தி விடுவார்களாம். அங்கு கொண்டு செல்லப்படும் பிள்ளைகளுக்கு ஒரு நாளைக்கு ஒரு தடவை வெறும் சோறும், தண்ணீரும் தருவார்களாம். ஒரு மீனை(கருவாட்டை) பறவை தூக்கிச் சென்று விட்டால் 'இரும்புக் கம்பியினால்' அடிப்பார்களாம். என்றெல்லாம் சொல்லி பிள்ளைகளைப் பயமுறுத்தி வளர்க்கும் சமுதாயம் அல்லவா எனது சமுதாயம்?. தசாப்தங்கள் ஓடிவிட்டன, கம்பியூட்டர் காலம் வந்துவிட்டது. ஆனாலும் இந்த 'அம்மாக்கள்' மாறியதாகத் தெரியவில்லை. பிள்ளை உணவருந்தாமல் அடம் பிடித்தாலோ, குழப்படி செய்தாலோ "உன்னைப் பிள்ளை பிடிகாரரிடம்(பிள்ளை பிடிக்கிறவனிடம்) பிடித்துக் கொடுத்து விடுவேன்" என்பதும், "உன்னை உம்மாண்டியிடம்(பூச்சாண்டியிடம்) பிடித்துக் கொடுத்து விடுவேன் என்று மிரட்டுவதும் தொடரத்தான் செய்கிறது.
இப்படி நிலைமை இருக்கையில் எனக்கு ஐந்து வயதாக இருக்கும்போது நிலைமை எப்படி இருந்திருக்கும்? கையில் சாக்குப் பையுடன் வரும் 'தாத்தாக்களைப்' பார்த்து நான் அலறியடித்து ஓடிய சம்பவங்களும் நடந்துள்ளது. அப்படியிருக்கையில் தெருவில் செல்வோரிடம் பாலர் பள்ளிக்குச் செல்வதற்கு வழி கேட்கும் 'துணிவு' எனக்கு வருமா? எனது நிலைமை வங்காள மொழி எழுத்தாளர் முல்க் ராஜ் ஆனந் எழுதிய "காணாமல் போன குழந்தை' எனும் கதையில் வரும் 'குழந்தையை' ஒத்ததாக இருந்தது. நான் தேம்பித், தேம்பி அழுதபடி சென்றதையும் யாரும் அவதானித்திருக்க மாட்டார்கள் காரணம் எனக்கு சத்தமாக அழவும் தெரியாது.

மெல்ல, மெல்ல நடந்து, அழுதபடியே மனித நடமாட்டம் மிகவும் குறைவான ஒரு 'பனங் கூடல்' வழியாக(பனந் தோப்பு) நடந்தேன். அப்போது அந்த பனங் கூடல் வழியாக நடந்து வந்துகொண்டிருந்த ஒரு மனிதரைக் கண்டதும் நான் அடைந்த ஆனந்தத்திற்கு அளவே இல்லை. அது வேறு யாருமில்லை நான் ஏற்கனவே ஒரு தடவை குறிப்பிட்ட எனது 'சித்தப்பா'தான் அது. என்மீதும், என் சகோதரர்கள்மீதும் அதிக பாசம் வைத்திருக்கின்ற, ஆனால் தினமும் குடித்துவிட்டு வந்து எனது சித்தியை அடித்து, உதைக்கின்ற என் சித்தப்பா அந்தக் கணத்தில் மட்டும் என் கண்களுக்கு "ஆபத் பாந்தவனாக, அநாத ரட்சகனாக, கண்ண பரமாத்மாவாகத்" தெரிந்தார். அவரைக் கண்டதும் ஆனந்தம் உண்டாகியது என்னமோ உண்மைதான். ஆனாலும் நான் அழுகையை நிறுத்தவில்லை. என்னை வியப்புடன் நோக்கிய சித்தப்பா "ராசன், ஏனப்பு அழுகிற? இஞ்ச என்னத்துக்கப்பு வந்தனி? என்று பரிவோடு எனது தலையைத் தடவியபடியே கேட்டார். நான் விக்கி விக்கி அழுதுகொண்டே "சித்தப்பா, டீச்சர் என்ன விட்டுட்டு போயிட்டா, நான் பள்ளிக்குடம் போக வேணும்" என்றேன். நிலைமையை உணர்ந்து கொண்ட அவர் என்னைப் பள்ளிக்கூடத்தை நோக்கி அழைத்துச் சென்றார்.

நான் குறிப்பிடும் இந்தச் 'சித்தப்பா' என்மீது எவ்வளவு பாசமாக இருந்தாலும், எனக்கு அவர்மீது துளியளவும் பாசம் ஏற்பட்டதில்லை. அவருக்கு என்மீது மிகுந்த பாசம் இருந்ததற்குக் காரணங்கள் இரண்டு. அவருக்கு ஆண் பிள்ளைகள் என்றால் கொள்ளைப் பிரியம். அவருக்கு இரண்டும் பெண் பிள்ளைகள்(பின் நாளில் அது மூன்றானது), மட்டும்தான். நான் அவரது ஒன்றுவிட்ட சகோதரனின் மகன் என்பதும் ஒரு காரணமாக இருக்கலாம். ஒவ்வொரு தடவையும் அவருக்கு(என் சித்திக்கு) குழந்தை பிறக்கும்போது சித்தியும், சித்தப்பாவும் ஒரு ஆண் குழந்தையை எதிர்பார்த்துக் காத்திருந்து ஏமாந்து போனார்களாம். இதனாலேயே சித்திக்கும், சித்தப்பாவுக்கும் என்மீதும், என் அண்ணனின் மீதும் என் தம்பியின் மீதும் மிகுந்த பாசமாம். ஆனால் எனக்கோ இந்தச் சித்தப்பாவைக் கண்டதும், என்னையறியாமலே ஒருவித பயம் என்னைப் பற்றிக் கொள்ளும். என் கண்முன்னால் அவர் என் சித்தியை அடித்து, உதைக்கின்ற காட்சிகள் படம்போல விரியும். இனம் புரியாத 'திகில்' என்னை ஆட்கொள்ளும்.
இவ்வாறு தனது மனைவியைக் குடித்துவிட்டோ அல்லது குடிக்காமலோ தினமும் அடித்து உதைக்கின்ற 'ஆண் சிங்கங்களைப்' பற்றி பிறிதொரு தருணத்தில் எழுத இருக்கிறேன். இருப்பினும் அந்தக் 'கனவான்களுக்கு'????? நமது வேதங்களும், இதிகாசங்களும் உரைத்த ஒரு சில வாசகங்களை நினைவூட்ட விரும்புகிறேன்.
########################################

பெண்களைக் கண்ணீர் சிந்த வைக்கும் குடும்பம் மாத்திரமின்றி, சமுதாயமும் சபிக்கப் படுகிறது.
தனது பத்தினியை(மனைவியை) அடித்து, உதைத்துத் துன்புறுத்தும் ஒரு ஆடவன், ஆயிரம் அன்ன சத்திரங்கள் கட்டி, பதினாயிரம் ஏழைகளுக்கு உணவளித்தாலும் 'நரகக் குழியில்' வீழ்வது உறுதி.
தன்னை விடவும் வலிமை குறைந்தவளாகிய தனது தாரத்தை அடித்து, உதைப்பவனை நோக்கித் தேவர்களின் கோபப் பார்வை திரும்புகிறது.
கண்ணகி அழுதாள் மதுரை எரிந்தது; சீதை அழுதாள் இலங்காபுரி அழிந்தது; பாஞ்சாலி(திரௌபதி) அழுதாள் அஸ்தினாபுரமே அழிந்தது.

இதிகாசங்களும், புராணங்களும் உண்மையா? என்று கேட்காதீர்கள். அவை நமக்குக் கூறும் செய்தியை, படிப்பினையை மட்டும் பாருங்கள்.

############################################

இவ்வாறு எனது சித்தியைக் காலம் முழுவதும் கண்ணீர் சிந்த வைத்த சித்தப்பாவின் ஞாபகம் வந்தபோதே நான் வெரித்தாஸ் வானொலியில் ஒரு தடவை கேட்ட நகைச்சுவைத் துணுக்கை உங்களிடம் பகிர்ந்து கொள்ள வேண்டும் எனும் எண்ணம் எனக்கு ஏற்பட்டது. மேற்படி 'ஜோக்கை' மேலே உங்களுக்காக தந்துள்ளேன்.அது தவிர வேறு சமயத்தைக் கிண்டலடிக்கும் நோக்கம் எனக்குத் துளியளவும் கிடையாது.

*எனது இந்தத் தொடரில் வரும் உரையாடல்கள் 'இலங்கைத் தமிழில்' உள்ளன என்பதைத் தமிழக வாசகர்களுக்குத் தெரிவித்துக் கொள்கிறேன்.

(இன்னும் சொல்வேன்)

குறள் காட்டும் பாதை

2012-02-17T02:05:00.001+01:00

இன்றைய குறள்

வலிஇல் நிலையான் வல்உருவம், பெற்றம்

புலியின்தோல் போர்த்துமேய்ந்துஅற்று. (273)

பொருள்: மனக்கட்டுப்பாடு எனும் வலிமை இல்லாதவன் மேற்கொள்ளும் வலிய தவத்தோற்றம் பசு புலியின் தோலைப் போர்த்துக் கொண்டு பயிரை மேய்ந்தாற் போன்றதாகும்.

அமுத வாக்கு

2012-02-17T01:02:00.000+01:00

ஸ்ரீராமகிருஷ்ண பரமஹம்சர்

படகுக்காரனுக்குக் காலணாக் காசைக் கொடுத்தால் அக்கரையில் கொண்டு போய் விட்டு விடுவான். அந்தச் சின்னக் காரியத்துக்காக காலம் முழுவதும் காட்டிலும் மலையிலும் கடும் தவம் செய்து, "தண்ணீர் மேல் நடக்கும் வித்தையை இதோ அறிந்து கொண்டேன்" என்று நீர் மேல் நடந்து எதிர்க் கரையை அடைவது ஒரு சாதனை அல்ல.

தொலைத்தவை எத்தனையோ - 6

2012-02-17T00:03:00.001+01:00

ஆக்கம்: வேதா இலங்காதிலகம், டென்மார்க்

ஒவ்வொருவரும் தமது ஆரம்ப, அரிச்சுவடி ஆசிரியர்களைப் பற்றி விரிவாகக் கூறும் போதும், அவர்கள் பாசம், நேசம் என்று விமரிசிக்கும் போதும் நான் ஏக்கமடைவேன், கவலையடைவேன்.

ஆறுமுக நாவலர் ஆரம்பித்த பாடசாலை அது. அன்று சுண்ணாம்பு, சீமெந்துச் சுவராலான கட்டிடம். கிடுகு ஓலையால் வேயப்பட்ட கூரையும் கொண்டது. நிலம் மண்ணாலானது. நாங்கள் இருந்து படித்தது வாங்கும் மேசையும் தான். சிலேட் இல்லாதவர்கள் மண்ணை அள்ளி மேசையில் போட்டு ‘அ’ னா எழுத வேண்டும்.

இன்று மகிந்த ராஐபக்ச வந்து சமீபத்தில் திறந்து வைத்த புதுக் கட்டிடத்தோடு கொண்ட பாடசாலை. பழைய கட்டிடம் இருக்கிறதோ தெரியாது. (ஆனால் சுவாமிநாதர் மண்டபம் இருக்கிறதாம்.)

ஐந்து வயதில் பாடசாலையில் அரிவரி வகுப்பில் சேர்ப்பார்கள். எங்கள் பெரியம்மா எங்களைச் (பெரியப்பா வீட்டுப் பிள்ளைகளையும் சேர்த்து) சேர்க்கும் போது எனக்கு 4 வயதை ஐந்து என்று கூறிச் சேர்த்தார்கள். சேர்த்த பின்பு தங்கள் வீட்டில் வந்து இதைக் கூறிப் பெரியம்மா சிரித்தார்கள். ( அது வேறு விடயம்)

எனது அரிவரி வகுப்பு வாத்தியார் ஊர்ப் பெண்மணி, நன்கு தெரிந்தவர் தான். அவரை நினைத்தால்….

”…ஏய்! இங்கே வா!…உனக்கு எத்தனை தரம் கூறுவது?
நீ என்ன செய்கிறாய்?…..”

போன்ற ஒருமை வார்த்தைகளே நினைவிற்கு வரும்.
இதில் தவறில்லை, நல்ல தமிழ் தானே என்கிறீர்களா?….. சரி தான்.

நாங்கள் பிறந்ததிலிருந்து வாருங்கள், போங்கள், நீங்கள், நாங்கள் என்று மரியாதையாகப் பேசிப் பழகினோம். தெருவில் போகும் தெரியாதவர்களையும் அப்படித் தான் அழைத்துப் பேசுவோம். நாம் அப்படிப் பேசினால் அவர்கள் எம்மை ஒருமாதிரிப் பார்ப்பார்கள், அது வேறு விடயம்.

இங்கு பாடசாலையில் அரிவரி வாத்தியார் இப்படிப் பேசியதே ஒரு வெறுப்புப் போல தெரிந்தது. எனக்குப் பிடிக்கவே இல்லை.
நீ என்ன செய்கிறாய் என்று என்னைக் கேட்டால் இவ என்ன என்னை நீ என்கிறா என்பது போல பார்ப்பேன். இப்போ நினைத்தாலும் அது தான் நினைவில் வருகிறது. (நீ, வா, போ என்பது தான்.).

நெருக்கமான ஒரு தொடர்பு இருந்ததாக சிறிதும் நினைவே இல்லை.

ஒரு நாள் பாடசாலையில் அழுதபடி நின்றேன். அப்பப்பா(முருகேசு சுவாமிநாதர்) பாடசாலை நிர்வாகி (மானேஐர்) என்பதால் 10மணியளவில் மேற்பார்வைக்காக வந்து காரியாலய (பெரிய வாத்தியார்) அறையில் கையெழுத்துகள் இடுவார்.

பின்பு வகுப்பறைகளைச் சுற்றிப் பார்க்க வரும் போது நான் அழுதபடி நின்றதைக் கண்டார். ஏன் அழுகிறா என்ற போது ” என்னவோ தெரியாது அழுதபடி இருக்கிறா” என்றார் வாத்தியார். ”நான் கூட்டிப் போகிறேன்” என்று கை பிடித்துக் கூட்டி வந்தார் வீட்டிற்கு.

அப்பப்பா (கண்ணாடியப்பா) கை பிடித்துத் தெருவிலே துள்ளித் துள்ளி நடந்து வந்ததும், என் அழுகை போன இடம் தெரியாததும் இப்போதும் நினைவில் உள்ளது. அப்போது நாலு, நாலரை வயதிருக்கும்.

இன்று அதே போல நான் பிள்ளைகளோடு 14 வருடங்கள் வேலை செய்தேன். அவர்களை ஆதரவாக அணைப்பதும், மடியில் இருத்தி பேசுவதும் என்று எவ்வளவு இனிமையான அனுபவங்கள்.

எதை நான் அன்று இழந்தேனோ அதை இங்கு அவர்களிற்கு அள்ளி அள்ளிக் கொடுத்தேன் ஆசை தீர. தொலைத்தவை தான்.

காரை பெயர்ந்த நாவலர் கட்டிடச் சிறு பகுதி காண்கிறீர்கள்.

ஓட்டுக் கூரையிருக்கிறது, முன்பு கிடுகு ஓலை வேய்ந்திருந்தது. இது பக்கத் தோற்றம். பின்னர் கட்டப்பட்ட நாவலர் சிலை இது.

குறள் காட்டும் பாதை

2012-02-16T02:05:00.001+01:00

இன்றைய குறள்

வான்உயர் தோற்றம் எவன்செய்யும் தன்நெஞ்சம்

தான்அறி குற்றம் படின். (272)

பொருள்: தன் நெஞ்சம், தான் அறிந்து செய்யும் குற்றத்தில் ஈடுபடுமானால் வானளாவிய அவனது தவத்தோற்றம் என்ன பயனைச் செய்யும்?

இன்றைய பொன்மொழி

2012-02-16T01:02:00.001+01:00

மூத்தோர் சொல்

பொய்த் தோற்றங்களால் கவரப்படும் மனம் நல்ல விஷயங்களில் சுவை காணாது.

விசரன் ஓட்டிய கார்

2012-02-16T00:03:00.000+01:00

ஆக்கம்:செ.சஞ்சயன், நோர்வே

தலையங்கம் பார்த்து ஏதும் திரில்ஆன விடயம் என்று நீங்கள் வந்திருந்தால் மன்னித்துக் கொள்ளுங்கள்.

நான் கார் பழகிய கதையைத் தான் எழுத நினைத்திருக்கிறேன். உனக்கு உண்மையில விசர் தான் என்று நீங்கள் திட்டலாம்....ஆனால் நான் கோவிக்கமாட்டனே....

1994ம் ஆண்டு வடமேற்கு நோர்வேயில் வாழ்திருந்த காலமது. அந்த ஊரில் போக்குவரத்து வசதிகள் மிகவும் குறைவு. கார் இருந்தால் தான் சமாளிக்கலாம்.
வீட்டில் ஆலோசனை மகாநாடு போட்டு நான் கார் ஒடப் பழகுவது என்றும் அதுவும் நாளையில் இருந்து என்றும் கட்டளை வந்தது (யார் என்று தெரியும் தானே?)

கார் பழகுவது என்றால் சில சிக்கல்கள் இருந்தன.
முதலாவது ஒரு கார் இருக்க வேண்டும்.
அதன் பின் ஆசிரியர் வேண்டும் அதுவும் ஆசிரியர் 5 வருடங்களாக சாரதிப்பத்திரம் வைத்திருப்பவராக இருக்க வேண்டும்.
மூன்றாவது சனமில்லாத இடமாக இருக்க வேண்டும்.
நான்காவது சாரதிப் பயிட்சி பாடசாலையில் தியரி படிக்க வேண்டும்.

இப்படி பல சிக்கல்கள் இருந்தாலும் எனக்கு இருந்த பெரிய பிரச்சனை கார். . எங்கள் பரம்பரையிலேயே கார் இருந்ததில்லை. என்னிடம் மட்டும் இருக்குமா என்ன. தவிர என்னை நம்பி தங்கள் காரை தருமளவுக்கு எனது நண்பர்கள் முட்டாள்களும் இல்லை.

இந்த நேரத்தில் நண்பர் சிவா எனக்கு கார் வாங்கும் பணியை ஏற்றுக் கொண்டார். சிவா மிகச் சிறந்த சாரதி. இலங்கையில் இருந்து வரும் போதே வாகனம் ஓட்டத் தெரிந்தது அவருக்கு. அவர் இயக்கம் ஒன்றிற்கு வாகனம் ஓடியதாக பின்பு அறியக் கிடைத்தது. அவர் 7 வருடங்களாக சாரதிப் பத்திரம் வைத்திருந்தார். அதைவிட வாகனம் பற்றி அதிகம் அறிந்திருந்தார். எனவே எனது பிரச்சனைகளில் மூன்றை அவர் தீர்த்து வைத்தார்.

உனக்கு ஒரு டொயோடா கொராலா 1983ம் ஆண்டு மொடல் தான் சரி என்றார். அது நிற்காமல் ஓடும் என்றார். நான் நிற்காமலா என்ற போது டேய் பழுதாகாமல் ஓடும் என்று சொல்ல வந்தேன் என்றார்.

எனக்கு காரில் ஏறவும் இறங்கவும் மட்டுமே தெரிந்திருந்த காலமது. சிவா எதைச் சொன்னாலும் தலையாட்டினேன். பத்தி‌ரிகையில் தேடத் தொடங்கினோம். கார்கள் இருந்தளவுக்கு எனது கஜானாவில் காசு இருக்கவில்லை. நான் அமைதியாய் இருந்தாலும் சிவா அமைதியாய் இருக்கவில்லை. ஓரிரு வாரங்களில் ஒரு கார் இருக்கிறது என்று என்னை அழைத்துப் போனான்.

அங்கு இருந்தது காரா அல்லது உக்கிப் போன இரும்பா என்று எனக்கு பெரும் சந்தேகம் வர மெதுவாய் சிவாவைக் கேட்டேன். அவனுக்கும் அந்த சந்தேகம் வந்திருக்க வேண்டும் என்னைப் பார்த்து வாயைப் பிதுக்கினான்.

அடுத்து வந்த ஒரிரு நாட்களில் மீண்டும் அழைத்தான். இப்போது ஒரு டொயோடா கோரோலா 1983ம் ஆண்டுக் கார். சிவா சொன்ன அதே கார். மஞ்சல் நிறமானது.

உரிமையாளருடன் ஏதோ பேசினான். அவர் திறப்பைக் கொடுத்தார். முதலில் காரை மூன்று முறை சுற்றி வந்தான். டயருக்கு உதைத்துப் பார்த்தான். எதையோ அமத்திப் பார்த்தான் அவனின் முகம் திருப்பதியாய் இருந்தது. பின்பு காரின் பொனட்‌ஜ திறந்து அதன் மேல் படுத்துக் கிடந்தான். பின்பு அதை மூடிவிட்டு என்னையும் ஏற்றிக் கொண்டு காரை ஓடிப் பார்க்க வெளிக்கிட்டான்.

ஒடி முடித்து விலைபேசி எனது பெயரில் காரை பதிவு செய்து காப்புறுதியும் செய்ய சில நாட்களாயின. பின்பு வந்த ஒரு குளிர்காலத்தில் ரேடியேட்டர் தண்ணி இறுகி வெடித்து அந்தக் கார் செத்துப்போகும் என்று எனக்கு அன்று தெரிந்திருக்கவில்லை.

சிவா கார் பழக்கத் தொடங்கும் நாளும் வந்தது. ஒரு குளத்தின் பின்னால் உள்ள வழியில் நிறுத்தி என்னை சாரதி இருக்கையில் இருத்தினான்.

”டேய்.. இது கிளட்ச்”
”அது பிறேக்”
சைக்கில் ஞாபகத்தில் நான் முன் பிறேக்ஆ, பின் பிறேக்ஆ என்ற போது ”இதென்ன உன்ட கொப்பரின்ட சைக்கிலே.. டேய் இது கார்” என்றான்
”அது அக்சிலேட்டர்”
”இது கியர்”
இப்ப‌டிப் போனது முதல் நிமிடங்கள்

இப்ப கிளட்ச்ல இருந்த காலை எடுத்து அக்சிலேட்டர அமத்து என்றான்
காலை எடுத்தேன்
கார் லோங்ஜம்ப் பாய்வது மாதிரி பாய்ந்து நின்றது

அய்யோ.. என்ற படி தலையில் அடித்துக் கொண்டான்
மெதுவாய் நுணுக்கங்கள் பிடிபட கார் ஓடத் தொடங்கியது.
தூரத்தில் எதிரே ஒரு கார் வர பயத்தில் என்னடா செய்யுறது என்றேன். ரோடு என்றால் வாகனம் வரத்தான் செய்யும், அதற்கேற்ற மாதிரி ஓட வேணும் என்று சொல்லி ஸ்டியரிங்ஐ பிடித்து திருப்பி அந்தக் காருக்கு வழிவிட்டான்.

இப்படி சிவாவும், குமார் என்று இன்னொரு நண்பரும் எனக்கு கார் ஓட்டப் பழக்கினார்கள். நானும் தியரி எல்லாம் படித்து ஆசிரியருடன் ஓடவேண்டிய நாட்களை நெருங்கிக் கொண்டிருந்தேன்.

அந்த ஆசிரியரைப் பற்றி ஊருக்குள் ஒரு வித கதை இருந்தது. பெண்கள் என்றால் வடிவாக சொல்லிக் கொடுப்பாராம், அதோடு தேவைக்கு அதிகமாகவே கதைப்பாராம் என்று. எனக்கு அவர் என்னோடு கதைக்காவிட்டாலும் பறவாயில்லை ஆனால் தன்னிடம் இவன் கார் ஓடப் பழகினான் என்று சேர்டிபிகேட் தந்தா காணும் என்னும் நிலையில் நான் இருந்தேன். அவரும் சில ஆயிரம் குறோணர்களை வாங்கிக் கொண்டு எனக்குப் பழக்கினார்.

எங்களுக்கு முதல் நாளே பிரச்சனை வந்தது. அவர் நான் எப்படி ஸ்டியறிங்கை பிடித்து திருப்ப வேணும் என்று சொன்னவிதம் சிவா சொன்ன விதத்தில் இருந்து மாறுபட்டிருந்தது. கையுக்கும் ஸ்டியரிங்க்கும் இடையில் 90 பாகையில் கோணம் இருக்க வேண்டும் என்றார். சிவா சீட்டை நன்கு பின்னுக்கு தள்ளி கையை ஸ்டியரிங்க்கு மேலே வைத்து ஓடுவதை நான் பார்த்ததால் நான் அப்படியே ஓடினேன். கையுக்கும் ஸ்டியரிங்க்கும் இடையில் 150 பாகையில் கோணம் இருந்தது. ஆசிரியருக்கு அவரை விட நான் 60 பாகை அதிகமாக வைத்தது பிடிக்கவில்லை. சீட்டை பின்னுக்குத் தள்ளிய போது.. என்ன நீ படுக்கப் போகிறாயா என்றார் நக்கலாய். அடுத்தநாள் ரெண்டுபே‌ரும் பேரம் பேசி 120 பாகையில் நான் ஸ்டியரிங் பிடிக்கலாம் என்று சாமாதான ஒப்பந்த ம் செய்து கொண்டோம்.

அன்றே இன்னொரு பிரச்சனை வந்தது. ஆசிரியர் வலது பக்கம் திரும்பு என்றால் நான் இடது பக்கமும், இடது பக்கம் திரும்பு என்றால் நான் வலது பக்கமும் திரும்ப மனிதருக்கு கடும் கடுப்பு வந்து வாகனத்தை நிறுத்து என்றார்.
நானும் நிறுத்தி அவருக்கு எனது பெரிய பிரச்சனையை விளக்கினேன். ஆசிரியரே எனக்கு தமிழிலேயே இந்த பாழாய்ப்போன வலது, இடது பெரிய பிரச்சனையாயிருக்கு, நீங்கள் ‌நோர்வேஐிய மொழியில் சொல்கிறீர்கள் எனவே எனக்கு டபிள் தடுமாற்றமாய் இருக்குது என்றேன். அன்றிலிருந்து ஆசிரியர் வலதுக்கு இடம் என்று சொல்லியும் இடதுக்கு வலது என்று சொல்லியும் என்னை சிறப்பாகக் கார் ஓட்டப் பழக்கினார்.

இறுதியாக தியரி பரீட்சை நடந்தது. பாஸ்பண்ணினேன். அடுத்த நாள் நான் ‌அதிகாரி ஒருவருக்கு கார் ஓடிக் காட்ட வேண்டும். கா‌லையிலேயே வீட்டில் பெரிய பூசை எல்லாம் நடந்தது. ஊருக்கு போன் பண்ணி நேர்த்தியும் வைத்தார்கள். நானோ எனது வலது இடது பிரச்சனையால் முழுசிக் கொண்டிருந்தேன்.

அதிகாரி வந்தார். காரில் ஏறி இருந்தோம். பரீட்சைமுறையை விளக்கினார். கார் நேரே ஓடத் தொடங்கியதும் எனக்கு ஞானம் பிறப்பது போல ஒரு ஐடியா வர காரை நிறுத்தினேன். என்ன நான் சொல்லாமலே நிறுத்துகிறாய் என்றார் அதிகாரி.

ஐயா! நான் நோர்வேஐியன் இல்லை என்பது உங்களுக்குத் தொரியும் என்றேன். ஆமாம் உனது நிறமே ஒரு மாதிரித்தான் இருக்கிறது என்பது போல தைலையாட்டினார். எனக்கு இந்த வலது இடது என்பது தெரியாது. எனவே கையால காட்டுறீங்கள் நான் ஓடுகிறேன் என்றேன்

மெதுவாய் சிரித்து, முதுகில் தட்டி கையை இடது பக்கம் காட்டினார். கார் அவர் சொன்ன பக்கம் திரும்பி ஓடிக் கொண்டிருந்தது.

பி.கு:

அன்று லைசன்ஸ் எடுத்து வீட்ட வந்த போது தான் வைத்த நேர்த்தி தான் நான் பாஸ் பண்ண காரணம் என்றார் ஒருவர். அவருக்கு தெரியுமா நான் பாஸ் பண்ண ஆசிரியரின் கை தான் காரணம் என்று.

ஹோண்டுராஸ் நாட்டில் பயங்கரம்

2012-02-15T23:28:00.000+01:00

ஹோண்டுராஸ் நாட்டின் சிறையில் புதன்கிழமை இன்று தீப்பிடித்ததில், சிறை அறைகளுக்குள் அடைபட்டுக் கிடந்த கைதிகள் தீக்கு இரையாகினர். இந்த விபத்தில் குறைந்தது 300 பேர் பலியாகியிருக்கலாம் என்று அதிகாரிகள் தெரிவித்தனர்.

கோமயாகுவா என்ற நகரின் சிறையில் அடைபட்டுக் கிடந்த கைதிகள் சுமார் மேலும்

குறள் காட்டும் பாதை

2012-02-15T02:05:00.001+01:00

இன்றைய குறள்

வஞ்ச மனத்தான் படிற்றுஒழுக்கம் பூதங்கள்

ஐந்தும் அகத்தே நகும். (271)

பொருள்: வஞ்சகனுடைய தீய ஒழுக்கத்தைக் கண்டு அவன் உடலில் உறுப்பாய் அமைந்துள்ள பஞ்ச பூதங்களும் தமக்குள் ஏளனமாய்ச் சிரிக்கும்.